Rýhanııat • 09 Qańtar, 2020

Prezıdent: Áleýmettik jaýapkershilikti kúsheıtýdi Abaıdyń «Tolyq adam» formýlasynan izdegen jón

124 retkórsetildi

Jańa Qazaqstannyń ózegin jańa qoǵam quraıtyny anyq. Bul rette, eń aldymen, ultymyzdyń qadir-qasıetin arttyryp, halqymyzdyń básekege qabilettiligin jetildirýge basa mán berýimiz kerek. Sondaı-aq qoǵamnyń damýyna kedergi keltiretin, bereke-birligimizge iritki salatyn jaǵymsyz qasıetterden arylý qajet. 

Memleket basshysy Qasym-Jomart Toqaev «Egemen Qazaqstan» gazetiniń búgingi №5 sanynda jarııalanǵan maqalasynda osylaı dedi.

«Búginde dúnıe júziniń birqatar ıntellektýaly klassıkalyq kapıtalızm daǵdarysqa tap bolǵanyn eskertip, onyń bolashaǵyna kúmánmen qaraıdy.

Sebebi álemde baı men kedeıdiń, bilimdi men bilimsizdiń, qala men aýyldyń arasy alshaqtap ketti. Bul úderistiń qarqyny barǵan saıyn kúsheıip keledi. Bıznes tek paıda kózdese, bilimdiler bólek orta qalyptastyrdy, árqaısysy ózderi úshin ǵana jaýapkershilik arqalaıtyn boldy» dep jazdy Prezıdent.

Sondaı-aq Memleket basshysy qalalar tez ósip-órkendep, shaǵyn eldi mekenderdiń damýy turalaǵanyn, ǵalymdar munyń barlyǵy áleýmettik jaýapkershiliktiń álsiregeninen dep esepteıtinin atap ótedi.

«Áleýmettik jaýapkershilik qaıtkende ornyna keledi? Árıne, bul – ońaı sharýa emes. Osy kúrdeli máseleniń sheshimin Abaıdyń «Tolyq adam» formýlasynan izdegen jón. «Tolyq adam» degen sóz aǵylshyn tilindegi «A man of integrity» túsinigine saı keledi. Bul – tek óte ilkimdi, ózine senimdi, izgilik pen jaqsylyqqa umtylatyn adamdarǵa ǵana tán sıpattama. Qazir tarap jatqan osy uǵymdy Abaı sonaý on toǵyzynshy ǵasyrdyń ózinde-aq túsindirip aıtty» dep jazdy Qasym-Jomart Toqaev.

Sonymen qatar Prezıdent adam ómiri tutasymen túrli qarym-qatynastardan quralatynyn, onsyz adam qoǵamnan bólinip qalatynyn tilge tıek etedi.

«Al qarym-qatynas mindetti túrde ózara jaýapkershilikti týǵyzady. Bul jaýapkershilik qara basynyń qamyn bıik qoıatyn ózimshildik aralasqan kezde buzylady. Sondyqtan Abaı: «Aqyl, qaırat, júrekti birdeı usta, Sonda tolyq bolasyń elden bólek», dep adamǵa nurly aqyl men ystyq qaırattan bólek, jyly júrek kerek ekenin aıtady.

Osy úsh uǵymdy ol únemi birlikte qarastyrady, biraq aldyńǵy ekeýi júrekke baǵynýy kerek dep esepteıdi. Bul – qazaq halqynyń ómirlik fılosofııasy» dep jazdy Qasym-Jomart Toqaev. 

Osyndaı tanym-túsinikpen ómir súrgen halqymyz ózi qıyn jaǵdaıda otyryp, ózge ulttardy baýyryna basqanyn, ózi asqa jarymaı qınalsa da, bir tilim nanyn bólisip jeýdi paryz sanaǵanyn atap ótken Prezıdent:

«Únemi úlkenge qurmet, kishige izet kórsetip, súringenge súıeý, jyǵylǵanǵa demeý bola bilgen. Osy qundylyqtardy dáriptep, búginge jetkizý arqyly halqymyz óziniń ult retinde saqtalýy úshin baryn salǵan», - dep jazdy maqalasynda.

Sońǵy jańalyqtar

Aqtóbede dinı ahýal turaqty ma?

Aımaqtar • Búgin, 17:48

Mańyzdy maqsattarǵa basymdyq beriledi

Qazaqstan • Búgin, 16:46

Maqsat – jol sapasyn jaqsartý

Úkimet • Búgin, 11:45

Qoltańba

Aımaqtar • Búgin, 09:42

Jalpy otyrystyń kún tártibi naqtylandy

Parlament • Búgin, 08:42

Dárigerlerdi qoldaýǵa shaqyrdy

Qoǵam • Búgin, 08:36

Básekege qabilettilikti arttyrý mańyzdy

Parlament • Búgin, 08:28

Shekarashylar aldanbady

Qoǵam • Búgin, 08:22

Lısenzııasynan aıyrdy

Qoǵam • Búgin, 08:20

О́nerlige óris keń

Aımaqtar • Búgin, 08:16

Synaqtan saǵy synbaǵan

Aımaqtar • Búgin, 08:11

Býllıng qurbany – jasóspirimder

Qoǵam • Búgin, 08:10

Birneshe sıfrly joba iske qosyldy

Aımaqtar • Búgin, 08:08

Ýaqyty kelgen ıgilik

Tehnologııa • Búgin, 08:05

Sálemde bereke bar

Rýhanııat • Búgin, 08:03

Mysty qalada myltyq nege atyldy?

Aımaqtar • Búgin, 08:02

Uqsas jańalyqtar