Rýhanııat • 10 Qańtar, 2020

Áıgili sheberdiń ádemi sýretteri

31 retkórsetildi

Klım Lı – portret jazýdyń has sheberi. Onyń qalamynan tamǵan týyndylar grafıkalyq tehnıkalary men materıaldarynyń túrlishe kompozısııalyq alýandyǵymen erekshelenedi. Ásirese týyndygerdiń shyǵarmashylyǵynan kórikti áıelderdiń beınesin jıi kezdestiresiz. Reseı Kórkemsýret akademııasynyń akademıgi ári orys beıneleý óneriniń beldi ókili sanalatyn aıtýly sheberdiń «Aınalar paradoksy» atty tańǵajaıyp kórmesi Á.Qasteev atyndaǵy óner mýzeıine keldi.

Almatyǵa áıgili qylqalam sheberiniń shyǵarmalary ǵana emes, ózi de keldi. Alataýdyń asqaq shyńdarynan, taý baýraıyndaǵy arý qalanyń ásem kórkinen rýhanı qýat alatynyn tilge tıek etken Lı jýrnalıstermen shy­ǵar­mashylyǵyndaǵy tyń jańa­lyqtarmen bólisti. Pa­ıym­daǵa­nymyzdaı, ol úshin bú­kil dúnıeniń bolmysy býyrqanǵan boıaýlardan tu­rady.

Sýretshi beıneleý óneriniń túrli janrynda túpnusqa jáne baspa grafıkasynan birneshe júz týyndy jazdy. Kitap ıllıýstratory retinde de kópshilikke jaqsy tanymal. Tipti, onyń bul baǵyttaǵy jumystarynyń keıbiri kitap grafıkasy tarıhyna kirip úlgergen. Ásirese Pýshkınniń, Mopassannyń, Nabokovtyń shyǵarmalaryna jasalǵan ıllıýstrasııalary talant ıesin shyǵarmashylyq bıikke kóterdi. Bul turǵyda onyń Reseı tarıhyn paıymdaýǵa jeteleıtin birqatar eńbegin de erekshe ataı ketken jón. Almatylyq kórermenniń nazaryna sheberdiń eń úzdik kartınalary usynyldy.

1

– Klım Lıdiń qondyrǵyly kompozısııalary men kitap ıllıýstrasııalary joǵary sheberligimen, syzyqtarynyń dáldigimen jáne jeńildigimen daralanady. Ishki shıelenis, rýhanı kúsh, yqshamdyq – onyń qoltańbasynyń bas­ty ar­tyq­­shylyǵy. Naqty kór­kem­dik tá­silder ózine erik­­siz baý­rap alady. Klım Lı­diń qa­zir pe­terbýrgtik eń joǵary ká­sibı grafık-sý­retshilerdiń biri ekenin eshbir qınalmaı aıta alamyz. Zamanaýı akade­mııalyq kór­kemdik bilim árip­testeriniń jáne onyń esi­mimen de tyǵyz baılanys­ty. Ol О́zbekstannyń týma­sy, ulty – koreı, orys óneri dás­túrleriniń murageri. О́ner ıesiniń boıyna túrli má­de­nıettiń dástúrleri gene­tıkalyq mura bolyp siń­gen. Degenmen, ol ózin Peter­býrg kórkemsýret mekte­bi­niń dástúrin ustanýshy re­tinde eseptep, tek orys mádenıe­ti­men ǵana salys­tyrady. Onyń boıynda Pe­terbýrg kórkemdik dás­túr­leriniń negizinde qalyp­tas­qan syzyqtardyń shy­ǵys­tyq joǵary grafıkalyq má­denıeti, keńistik pen ýaqyt­ty shyǵyssha uǵyný, formany ba­tyssha seziný ózara úılesim tapqan, – deıdi ónertanýshy Svetlana Gracheva.

I.E.Repın atyndaǵy Sankt-Peterbýrg Memle­ket­tik aka­demııalyq kes­kin­deme, músin jáne sáýlet ıns­tıtýtynyń gra­fıka fa­kýltetin on jyldan astam basqarǵan sýretshi qazir osy joǵary oqý ornynda óziniń jeke sheberhanasyna jetekshilik etedi.

2

 

ALMATY

 

Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar