Kezdesýler ótkizdi

Parlament Senatynyń depýtattary Murat Baqtııaruly, Bekmyrza Elamanov jáne Dana Nurjigitova jumys babyndaǵy sapar aıasynda Qyzylorda oblysyndaǵy Aral aýdanynda, Qaratereń, Qosshar, Qaraterek jáne Bógen aýyldarynda boldy.

Depýtattar aýyl tur­ǵyn­darymen, sharýa qoja­lyqtary men jaýapkershiligi shekteýli seriktestikter ujymdarymen, muǵa­limdermen, medısına qyzmet­kerlerimen, aýdandyq máslı­hat depýtattarymen jáne aýyl belsendilerimen kezde­sý ótkizdi. Sonymen qatar «Kók­aral» sý bógetin aralap, jumys­tarymen tanysty.

Senatorlar turǵyndarǵa «Kókaral» sý bógetin jóndeý-qalpyna keltirý jáne jańǵyrtý jumystary boıynsha aǵymdaǵy jyly jobalaý-smetalyq qujattar ázirleýge qosymsha qarjy qaralyp jatqanyn jetkizdi. 

Kezdesý barysynda sondaı-aq taıaýda Senatta qabyldanǵan «Pedagog mártebesi týraly» Zańnyń elimizdegi peda­gog­terdiń quqyqtaryn keńeıtýdi, aýyrt­palyqty azaıtýdy, muǵa­lim mamandyǵyna qoıylatyn talaptardy kúsheıtýdi, muǵa­limderdi materıaldyq turǵyda yntalandyrýdy, jastardy pedagog mamandyǵyna tartýdy kózdeıtin erejeler jan-jaqty talqylandy.

* * *

Almaty oblysynyń Ile aýdanyn­da Májilis depýtattary Omarhan О́ksikbaev, Ábdimanap Bektur­ǵanov, Amangeldi Dáýrenbaev Nur Otan par­tııasynyń aýdandyq fılıalyn­da azamattardy qabyldaý ótkizdi.

Kezdesýge qatysýshylar de­pý­tattarǵa ózderin tolǵan­dy­ryp júrgen máselelerin aıtyp, aqyl-keńes aldy. Qoıylǵan saýaldardyń kóbi áleýmettik sala, jumyspen qamtý jáne aýyldy abattandyrý máselelerine qatysty boldy.

Máselen, Qapıza Nuranova depý­tat­tarǵa Jetigen aýylyndaǵy Jańatalap kóshe­siniń jolyn jóndeýge yqpal etýin surady. О́tinish berýshilerdiń barlyq ótinishteri men usynystaryn tyń­­daǵan depýtattar, ýákiletti organ­­darmen birlesip, qoldanys­taǵy zań­nama aıasynda bul má­se­­lelerdi she­shýge kómek kórse­ti­letindigin jetkiz­di.

Kezdesý barysynda O.О́k­sikbaev Nur Otan partııasynyń depýtattary óz saılaýshylarymen únemi baılanysta bolyp, aýyl turǵyndarynyń problemalaryna barynsha kóńil bóletinin atap ótti.

Halyqtyń tynys-tirshi­li­ginen habardar bolǵan depý­tattyń aıtýynsha, búgingi qa­byl­daý aýdan turǵyndarynyń bılikpen dıalogqa jáne jalpy máselelerdi birlesip sheshýge daıyn ekendigin kórsetti.

* * *

Májilistiń Áleýmettik-mádenı damý komıtetiniń tóraıymy Gúl­shara Ábdiqalyqova men depýtat Mıhaıl Chırkov elordadaǵy «Jas­tar» teatrynyń ujymymen kezdesti.

Májilis depýtattary, Nur Otan partııasy fraksııasynyń músheleri Qazaqstan Respýblıkasy Prezıdentiniń negizgi baǵdarlamalyq qujattary men bastamalaryn iske asyrý úshin qabyldanǵan zańnamalyq jańashyl­dyq­tar, sondaı-aq Májilistiń zańnamalyq jumystary týraly habardar etti.

Áńgime barysynda mádenıet salasyndaǵy ózgeristerge erekshe nazar aýdaryldy. G.Ábdiqalyqovanyń aıtýynsha, Memleket basshysy Qasym-Jomart Toqaevtyń Joldaýy aıasyn­da mádenıet qyzmetkerlerine qol­daý kórsetýdiń naqty sharalaryn qa­rastyratyn «Mádenıet týraly» zańǵa túzetýler ázirleý tapsyryldy. Buǵan mádenı qoldaý qoryn qurý, sıfrlandyrý máseleleri jáne konserttik qyz­metti retteý kiredi. Sondaı-aq, osy jyldyń bıýdjetinde teatr qyzmet­ker­leriniń jalaqysyn kóterýge qarajat qarastyrylǵan.

О́z kezeginde teatr ártisteri «Mem­le­kettik satyp alý týraly» zańǵa tıisti ózgertýler engizýdi kózdeıtin dekorasııa men sahnalyq kostıýmderdi satyp alýmen baılanysty problemalar týraly aıtty.

* * *

Májilis depýtattary, Nur Otan partııasy fraksııasynyń músheleri Aızada Qurmanova, Aıgúl Nurkına jáne Aleksandr Sýslov Pavlodar oblysy Tereńkól aýdanynyń Peschanoe aýylynyń turǵyndarymen kezdesti.

Depýtattarmen kezdesýge eńbek ardagerleri, muǵalimder, medısına qyzmetkerleri, jastar, kásipkerler, sharýa fermer qojalyqtarynyń basshylary, Peschan mehanıkalyq-jóndeý zaýytynyń ókilderi qatysty.

Áńgime barysynda Májilis depýtaty Aızada Qurmanova depýtattar men saılaýshylar arasyndaǵy tikeleı baılanys aımaqtardan obektıvti aqparat alý jáne ony ári qaraı zańnamalyq jumystarda paıdalaný úshin qajet ekenin atap ótti.

Depýtattar aýyl turǵyndaryn eli­mizde júrgizilip jatqan reformalar týraly habardar etti. Atap aıtqanda, 2020 jyldyń 1 qańtarynan bastap mindetti medısınalyq saqtandyrýdy engizý, kóp balaly otbasylar úshin jańa formattaǵy memlekettik járdem­aqylar, jańa AÁK taǵaıyndaý erejesi jáne basqa máseleler qozǵaldy. Son­daı-aq jergilikti ózin-ózi basqarý bıýd­jetin qalyptastyrý jáne iske asyrý máseleleri talqylandy.

Aýyl turǵyndary sý tazartý qury­lysyn qaıta qurý máselesine alań­daý­shylyq bildirip, halyq qalaýlylarynan osy máseleni sheshýge kómek kórsetýdi surady.

– Elbasynyń tapsyrmasy boıynsha júzege asyrylatyn «Aýyl – el besigi» baǵdarlamasyn júzege asyrýǵa úlken úmit artamyz, – dep atap ótti depýtat Aızada Qurmanova. – Naqty qa­damdar qabyldanýda, mıllıardtaǵan bıýdjet qarajaty aýyldyq jerlerde ómir súrý sapasyn arttyrýǵa, aýyldyq eldi mekenderdiń áleýmettik jáne ınjenerlik ınfraqurylymyn damytýǵa baǵyttalǵan, – dedi depýtat.