Qazaqstan • 10 Qańtar, 2020

«Belavıa» áýe kompanııasy Aqtaý, Qaraǵandy qalalaryna reıster ashady

306 ret

kórsetildi

1 mın

oqý úshin

Memleket Basshysy Q.Toqaevtyń jańa halyqaralyq baǵyttardy ashý jónindegi tapsyrmasy aıasynda Qazaqstan Respýblıkasynyń IIDM Azamattyq avıasııa komıteti júıeli jumys júrgizýde. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Egemen Qazaqstan

«Belavıa» áýe kompanııasy Aqtaý, Qaraǵandy qalalaryna reıster ashady

2019 jylǵy jeltoqsanda Akaba (Iordanııa) qalasynda Halyqaralyq azamattyq avıasııa uıymy (IKAO) aıasynda uıymdastyrylatyn áýe qatynastary týraly kelissózder júrgizý boıynsha jyl saıynǵy kezekti konferensııasynda (ICAN 2019) Komıtet pen Belarýs Respýblıkasynyń avıasııalyq bılikterimen qol jetkizilgen ýaǵdalastyqtaryna sáıkes, «Belavıa» áýe kompanııasy Qazaqstan qalalaryna birqatar reısterdi ashady.

Qazirgi ýaqytta áýe kompanııa 2020 jyldyń jazǵy kezeńinde oryndalatyn Mınsk - Aqtaý, Mınsk - Qaraǵandy, Mınsk - Pavlodar jáne Mınsk - Qostanaı reısterine áýe bıletterdi satýdy bastady.

Qazirgi ýaqytta «Belavıa» áýe kompanııasy Nur-Sultan jáne Almaty qalalaryna jyl boıy reısterdi oryndaıdy.

Aǵymdaǵy jyldyń shilde aıynan bastap Mınsk – Almaty baǵytyndaǵy reıster kún saıyn oryndalatyn bolady.