Qazaqstan • 13 Qańtar, 2020

Qazaqstanda 2019 jyly 13,1 mln sharshy metr baspana paıdalanýǵa berildi

17 retkórsetildi

Halyq úshin turǵyn úıdiń qoljetimdiligin qamtamasyz etýdi maqsat etetin «Nurly jer» memlekettik baǵdarlamasy aıasynda 2019 jyldyń qorytyndysynda respýblıka boıynsha barlyǵy 13,1 mln sharshy metr baspana paıdalanýǵa berildi. Bul degenimiz 115 800 páter. 2018 jylmen salystyrǵanda atalǵan kórsetkish 104,9% quraıdy. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Endi bárin tarqatyp aıtsaq. О́tken jyldyń 12 aıy ishinde satyp alý quqyǵynsyz 14,5 myń jalǵa beriletin páter salyndy. Onyń ishinde 6 266 páter áleýmettik jaǵynan az qamtylǵan azamattarǵa berildi. О́ńirler arasynda bul turǵydan Túrkistan (1532 páter), Atyraý (600 páter) jáne Qyzylorda (521 páter) oblystary alda keledi. 5 597 páter kóp balaly otbasylardyń ıgiligine berildi. Túrkistan oblysy (841 páter) bul jaǵynan da kósh basynda. Odan keıingi oryndarda Almaty oblysy (686 páter) jáne Nur-Sultan qalasy (549 páter) tur. Sondaı-aq, satyp alý quqyǵynsyz beriletin páterlerge jastar da ıe boldy. Onyń ishinde Nur-Sultan qalasynda 1050 páter, Shymkentte 904 páter jáne Almaty qalasynda 576 páter kilti jumys isteıtin jastarǵa tabys etildi.

Sondaı-aq, jergilikti atqarýshy organdar 10 600 páter, «Samuryq-Qazyna jyljymaıtyn múlik qory» AQ qarjylandyrýy esebinen 643 páter, jeke salýshylar esebinen 2 748 páter salyndy.

Osy oraıda 2018 jyly Qazaqstanda 12,5 mln sharshy metr baspana paıdalanýǵa berilgenin aıta ketý kerek. Iаǵnı, elimizdiń ár turǵynyna 0,68 sharshy metrden kelgen. Bul - TMD elderi boıynsha eń joǵary kórsetkish. Salystyrmaly túrde aıtsaq, Reseıde atalǵan kórsetkish ár turǵynǵa 0,54 sharshy metr, Belarýsta - 0,40 sharshy metr, О́zbekstanda - 0,36 sharshy metrden keledi. Jalpy, Qazaqstanda baspanamen qamtamasyz etý turǵysynan bir turǵynǵa 21,9 sharshy metrden keledi. Endigi maqsat - 2030 jylǵa deıin bul kórsetkishti 30 sharshy metrge jetkizý.

Elimizde turǵyn úı qurylysy salasyndaǵy jumystar endi 2020-2025 jyldarǵa arnalǵan «Nurly jer» jańa memlekettik baǵdarlamasy aıasynda jalǵasyn tabady. Turǵyn úı-kommýnaldyq salany damytýǵa arnalǵan bul baǵdarlama Elbasy N.Á.Nazarbaevtyń strategııalyq bastamalary men Memleket basshysy Q.K.Toqaevtyń tapsyrmalaryn iske asyrý aıasynda ázirlenip, 2019 jyldyń jeltoqsan aıynda qabyldandy.        

Jańa baǵdarlamada turǵyn úı qurylysy, azamattardy baspanamen qamtamasyz etý, turǵyn úı kommýnaldyq sharýashylyq júıesin damytý salasyndaǵy memlekettik qoldaýdyń barlyq sharalary úılestirilgen. Basty maqsaty – Qazaqstanda baspananyń qoljetimdiligi men jaılylyǵyn arttyryp, turǵyn úı ınfraqurylymyn damytý.

Sońǵy jańalyqtar

"Jymııasyń sen nege?!"

Búgin, 01:53

Tálkekke túsken taǵdyr

Ádebıet • Keshe

Qubylys

Rýhanııat • Keshe

Karantınde konsert kórýge bolady

Rýhanııat • Keshe

Atymtaı jomarttar az emes

Qazaqstan • Keshe

Uqsas jańalyqtar