Mańyzdy basymdyqtar aıqyndaldy

Ulan-ǵaıyr jer men baı tabıǵı resýrstardy ıelengen Qazaqstan damýdyń jarqyn bolashaǵyna ıe. Biraq ony ıgerý úshin elimizge sapaly damyǵan adam kapıtaly qajet. Bul jóninde kezinde Abaı dóp basyp aıtqan. Qoǵamnyń ıntellektýaldy qýatyn qalyptastyrý men arttyrý, adam kapıtaly ıdeıasyn damytýdy Prezıdenttiń óz maqalasyna arqaý etip alýy kezdeısoqtyq emes. Uly oıshyl eńbekterinde ǵylym men bilimge asa mán berýi – damýdyń negizi osylar ekendigin túısingendiginde. Osyny uǵyna otyryp Prezıdentimiz Q.Toqaev bilim júıesin modernızasııalaý reformasyn qolǵa aldy.

Búginde bul tek sóz júzinde ǵana emes, naq­ty qadamdarǵa, ulttyq bilim berý isi men otandyq ǵylymdy qoldaý men damy­týǵa baǵyttalǵan shynaıy baǵdarlama­lar­dyń júzege asýyna sep bolyp otyr. Nátı­jesinde ótken jyly bakalavrıat pen magıstratýraǵa bólinetin memlekettik granttyń úlesi artsa, onyń ishinde tehnı­kalyq, agrarlyq jáne aqparattyq tehnologııalar mamandyǵyna granttar sany kóbeıdi. Bıylǵy oqý jylynan bastap bólingen memlekettik granttyń quny 349-dan 778 myń teńgege deıin ósti, óz kezeginde bul JOO-nyń materıaldyq bazasynyń jaqsarýyna jáne kadrlardy daıyndaý sapasynyń joǵarylaýyna ákeldi. 2025 jyly memleket ǵylymı zertteýlerdi qarjylandyrýdy 10 esege arttyrýdy kózdep otyr. Nátıjesinde otandyq ǵalymdardyń ǵylymmen alańsyz aınalysýyna jáne elimizde biliktiligi joǵary kadrlardy daıyndaýǵa dańǵyl jol ashylatyny sózsiz.

Biz memleket berip otyrǵan bar múmkin­dikterdi tolyǵymen paıdalanýymyz kerek.

Aıta keterligi, Prezıdent maqala­syn­daǵy kóterilgen ıdeıalar aldymen bizdiń jas­tarymyzǵa baǵyttalǵan. Maqalada Abaı­dyń «Tolyq adam» tujyrymyn jáne tul­ǵanyń qalyptasý ıdeıasyn negizge ala otyryp Prezıdent jas urpaqtyń aldyna mańyzdy mindetter qoıdy, ıaǵnı bilim­di, mádenıetti, zııaly, adamgershiligi joǵa­ry adam bolyp qalyptasý. Tek osyndaı adam ǵana memlekettiń, qoǵamdyq bolmasa otbasylyq-turmystyq ómirdiń irgeli qor­ǵany bola alady. Bul turǵyda joǵary oqý oryndary ustazdarynyń mindeti – stý­dent­terdi ózin-ózi jetildirýge talpyný, sonymen birge jahandaný jaǵdaıynda rýhanı-adamgershilik qundylyqtardan aıyrylmaý syndy uly Abaıdyń ómirlik ustanymdaryn basshylyqqa ala otyryp tárbıeleý.

Aqylbek KÚRIShBAEV,

aýyl sharýashylyǵy ǵylymdarynyń doktory, professor «S.Seıfýllın atyndaǵy Qazaq agrotehnıkalyq ýnıversıteti» AQ basqarma tóraǵasy