Qazaqstan • 14 Qańtar, 2020

Aldaǵy kúnderde aýa raıy qandaı bolady?

1942 retkórsetildi

«Qazgıdromet» RMK 19-20 qańtar aralyǵyndaǵy aýa raıy boljamyn jarııalady.



Jyl basynan beri Eýropanyń soltústik jartysynda jáne Batys Sibirde óte belsendi endik frontaldy aımaq quryldy, ol arqyly jylý men ylǵaldyń úlken qory bar tereń sıklondar Atlantıka aımaqtarynan Arktıka jaǵalaýlarynyń boıymen birinen keıin biri aýysyp, sol arqyly Arktıkalyq sýyqtyń Qazaqstan aýmaǵynan ótýin tejeıdi.

Aldaǵy birneshe kúnde respýblıkadaǵy aýa raıyna áser etetin sınoptıkalyq prosesterde aıtarlyqtaı ózgerister bolmaıdy. Sondyqtan, Qazaqstanda qatty aıaz bolmaýy múmkin.

Atmosferalyq fronttardyń áserinen respýblıkanyń soltústik jáne shyǵys aımaqtarynda 19-20 qańtarda keı jerlerde qar jaýyp, boran bolady, batystan jáne soltústik-batystan qatty jel soǵady, aýa temperatýrasy túnde 10-18, kúndiz 5-10 gradýs aıaz bolady.

Qalǵan aýmaqta jaýyn-shashynsyz, túnde jáne tańerteń tuman túsedi, batysta aýa temperatýrasy túnde 2-10, kúndiz 4 gradýs aıaz, 2 gradýs jyly; ońtústik jáne ońtústik-shyǵysta túnde 8-15 gradýs aıaz, kúndiz 5 gradýs aıaz, -2 gradýs jyly; ortalyqta túnde 8-15, kúndiz 5-10 gradýs aıaz bolady. Mundaı aýa temperatýrasy kópjyldyq ortasha mánnen 3-5°S joǵary, respýblıkanyń ońtústiginde kópjyldyq ortasha normadan joǵary.

Nur-Sultan qalasynda 19 qańtarda túnde7-12 gradýs, túnde 3-8 gradýs aıaz bolsa, 20 qańtarda túnde 13-18, kúndiz 7-12 gradýs aıaz bolady.



Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar