Aımaqtar • 16 Qańtar, 2020

Shalǵaı eldi mekender shalajansar kúı keship tur

37 retkórsetildi

Parlament depýtattarynyń óńirlerge sapary kezinde jergilikti jerdegi birqatar máselelerdiń beti ashyla bastady. Máselen, Shymkent qalasyna qarasty Jańatalap eldi mekenindegi qordalanǵan áleýmettik túıtkilder Nur-Sultan shaharynan kelgen depýtattardyń nazaryna usynyldy. Qanshama jyldan beri jabýly qazan kúıinde qalǵan máseleni jarysa baıandaǵan jańatalaptyqtar aýyz sý men kógildir otynnan tapshylyq kórip otyrǵandaryn jetkizdi. «Joqqa joq jamalady» degendeı eldi mekendegi káriz júıesi men qoǵamdyq kóliktiń «jyry» da óz aldyna bólek áńgime.

Jýyrda Parlament Máji­lisiniń depýtattary Dar­han Myńbaı men Nurjan Ál­taev­pen kezdesken turǵyn­dar ta­lap-tilekterin ashyna aıtty.

 «Ákimder jarty jyl saıyn aýysady. Jańa kelgenderi qurǵaq ýádemen qaryq qylyp tastaıdy. Osynda turyp kele jat­qanymyzǵa 20 jyldan asty. Áli kóshede belýar­dan laı keship júrmiz. Aýyldaǵy jaǵ­daı­dy búkpesiz aıtar bolsam, tur­ǵyn­dar aýyz sýdy aýla­dan kezekke turyp, tasyp iship, tamaqty ballondaǵy gaz­­ǵa jasap júr. Al qystygúni jylytqyshty qosýǵa máj­búr. Osylaısha, bir páter­de bir bólme ǵana jylyp, tur­­ǵyn­dary syrtqy kıim­men búr­seńdep júr», deıdi Altyn­shash Esen­geldıeva.

Anyǵynda, Abaı aýdanyna qarasty bul eldi mekenniń qala qataryna qosylǵanyna 4 jyl bolsa da ınfraqurylym júıesi áli rettelmegen.

Turǵyndarmen tek depýtattar kelgende ǵana kezdesken aýdan ákimi Ǵalymjan Tólepov Jańatalapqa aýyz sý tartý úshin bıýdjetten 2,5 mlrd teńge bólin­genin jetkizdi. Sondaı-aq jyl sońyna deıin aýyz sý ár úıge tartylyp, másele ońdy sheshim tabatynyna sendirmek boldy.

Úshinshi megapo­lıske qo­syl­ǵan eldi me­kende káriz jú­ıe­si qa­rastyryl­maǵan­dyq­tan aýyl­dyń ishki atmosferasy da bu­zyla bas­taǵan. О́r­kenıetten alshaqtap qal­ǵan eldi mekenge káriz júıesi tar­­tyl­maıynsha Jańatalap kú­lim­­si ıisten aryla qoımasy anyq.

Esterińizge salar bolsaq, Shym­kent qalasynyń ákimi Erlan Aıtahanov byltyr kúz aıynda qalaǵa qosylǵan eldi mekenderdi aralap, «qalanyń shetki aýdandaryn Shymkenttiń ortalyǵyndaǵydaı etýge qyz­met etemin», degen edi. Tipti res­pýblıkalyq, jergilik­ti bıýd­­­jetten bólingen qarjy­nyń qomaqty bóligin osy eldi me­ken­­derdegi aýyz sý, avtojol, ja­ryq, kógildir otyn, qo­ǵam­dyq kó­lik, káriz júıesin ret­teý­ge jum­saıtynyn habar­laǵan bolatyn.

«О́zderińizge málim, Shym­kent qalasynyń áleýmettik-ekonomıkalyq damýyna Mem­leket basshysy Qasym-Jomart Toqaevtyń ózi aıryq­sha nazar aýdaryp otyr. Halyqtyń turmysyn jaqsar­tý boıyn­sha naqty tapsyrmalar berdi. Meniń basty maqsatym – shal­ǵaıda ornalasqan eldime­ken­derdiń turǵyndaryna qolaıly jaǵdaı jasaý», degen-di úshinshi megapolıs basshysy.

Alaıda, ázirge jaryǵy jaınap, joly dańǵyrap, qoǵamdyq kóligi úzilissiz qatynap jatqan eldi meken kórmedik. Sol baıaǵy júnjip otyrǵan kónbis qara halyq. Myń san sharýasy she­­shil­­meı qalaǵa qosylǵan ju­pyny aýyldar jeterlik.

Qalanyń shalǵaı eldi me­keni túgili shahardyń qaq orta­syndaǵy «Turan» shaǵyn aýdanynda da áleýmettik túıtkildi másele shash-etekten...

 

Nurshat TО́KEN,
«Egemen Qazaqstan»

Shymkent

 

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar