Keń ǵımaratqa kóshedi

Jaqynda oblys ákimi Danıal Ahmetov qaraýsyz turǵan nysandy aralap kórip, ǵımarattyń bir bó­ligine О́skemendegi Jumyspen qamtý or­talyǵyn kóshirý kerek­tigin aıtty. О́ıtkeni atalǵan ortalyqtyń ishi­niń tarlyǵy, ásirese múmkindigi shek­teýli jandarǵa tym qolaısyz ekendigi kópten beri sóz bolyp júr. «Jumyspen qamtý ortalyǵyna baryp, mekemeniń jaı-kúıimen tanystym. Ortalyqqa kelýshilermen áńgimelesip, olardyń talap-tilek­terin bildim. Bul jer asa mańyz­dy memlekettik mekeme bolǵan­dyq­tan, munda azamattar úshin jaı­ly jaǵdaılar jasalýy qajet. Kelýshilerge sapaly qyzmet kórse­tilýi kerek. Burynǵy aýrýhana ǵıma­ra­tyn tolyq jóndeýge qarajat alda­ǵy ýaqytta bólinedi. Qurylys jumystary naýryz aıynda bastalady», deıdi óńir basshysy.

Sonymen qatar oblys ákimi Jumys­pen qamtý ortalyǵynyń qyzmetimen tanysý barysynda áleý­mettik sala basshylaryna aq­pan aıynan bastap óskemendik múge­dekterge qajet jaıalyqtar men qozǵalys quraldaryn úılerine deıin jetkizip berýdi tapsyrdy. Qazir bul sanattaǵy turǵyndar osy zattardyń bárin Jumyspen qamtý ortalyǵyna ózderi baryp alyp júr.

О́SKEMEN