Aımaqtar • 16 Qańtar, 2020

Atbasarda aýqymdy jumystar atqarylyp jatyr

28 retkórsetildi

Atbasarlyqtar ótken jyldy nátıjeli ekonomıkalyq kórsetkishtermen aıaqtaǵan eken. Máselen, ósim ónerkásipte 103,1, aýyl sharýashylyǵynda 121, bólshek taýar aınalymynda 102 prosentti quraǵan.

Ortasha eńbekaqy 2018 jylmen salystyrǵanda 15,7 prosentke joǵarylap, 126,5 myń teńgege kóterilip otyr. Memlekettik bıýdjetke 4 mıllıard teńge salyq jáne ózge de mindetti tólemder túsipti.

– О́tken jyly aýyl sharýashylyǵy óniminiń jalpy kólemi 36,6 mıllıard teńgeni qurady. Aýdan dıqandary aýa raıynyń qıyndyǵyna qaramastan, 435 myń tonna astyqty ýaqytynda ári shashpaı-tókpeı jınap aldy. Memleket tarapynan bul salaǵa jyl saıyn tyńaıtqysh, tuqym, gerbısıd baǵasyn arzandatýǵa sýbsıdııa tólenedi. Bıyl aýdan boıynsha 15 traktor, 17 kombaın, 8 egis kesheni satyp alyndy. Mal sharýashylyǵyn damytý maqsatynda 115 mıllıon teńge sýbsıdııa tólendi. Bul asyl tuqymdy mal sharýashylyǵyn damytýǵa, mal sharýashylyǵy óniminiń sapasy men ónimdiligin arttyrýǵa yqpal etýde. Qazir aýdanda 31,4 myń bas iri qara, 27 myń qoı-eshki, 11 myń bas jylqy baǵylady. Byltyr 6,2 myń bas iri qara asyldandyryldy. О́tken jyly 13 ınvestısııalyq joba júzege asyrylyp, 86 jumys orny ashyldy. Bıylǵy jyly mal bordaqylaý alańdary, óńdeýshi kásiporyn, qus fabrıkasy tárizdi 8 ınvestısııalyq joba júzege asyrylmaqshy. О́ndirilgen ónerkásip óniminiń kólemi 21,3 mıllıard teńgeni qurady. Bul baǵytta Atbasar elektrovoz jóndeý zaýyty, «Ajdar jáne K», «Atbasar tehnopark» seriktestikteriniń úlesi mol. Aýdanda 2,5 myń shaǵyn jáne orta bıznes sýbektileri jumys istep, 6,5 myń adamdy jumyspen qamtyp otyr. О́tken jyly óńirde 15,4 myń sharshy metr turǵyn úı paıdalanýǵa berilip, 130 otbasy baspanaly boldy. Sý tasqynynan zardap shekken turǵyndar 495 pátermen qamtamasyz etildi. Jýyrda kóp balaly otbasylarǵa jáne áleýmettik jaǵynan az qamtylǵan turǵyndar úshin 90 páterlik eki úı paıdalanýǵa beriledi, - deıdi aýdan ákimi.

Alǵa umtylǵan atbasarlyqtar ózderiniń tynymsyz áreketteriniń arqasynda aýdannyń áleýetin arttyra túsýde.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar