Aımaqtar • 18 Qańtar, 2020

Almaty oblysynda taǵy bir turǵyn ózin ózi tonady

87 retkórsetildi

Adamdar qarjylyq qıyndyqtan shyǵý men qaryzdy qaıtarmaýdyń túrli joldaryn oılap taba bastaǵan sııaqty. Jáne oılanbaı áreket etýdiń saldarynan ózderi zııan shegip, tipti qylmystyq jaýapkershilikke tartylýǵa deıin baratynyn bilmeı qalýda.

Almaty oblysynda qaryzyn jasyrý úshin «ózine ózi shabýyl uıymdastyrý» deregi osymen ekinshi ret tirkeldi. Buǵan deıin Eńbekshiqazaq aýdanyndaǵy jaǵdaı týraly jazǵanbyz. Dál soǵan uqsas oqıǵa Talǵar aýdanynda da bolǵan eken. Bul joly bankten kóp mólsherde nesıe alǵan áıel, shyqqan shyǵyndy jasyrý úshin polısııaǵa ózin belgisiz qylmyskerlerdiń tonap ketkenin aıtyp, shaǵym jazypty. Tártip saqshylary  jedel qımyldap, is boıynsha quryqtaý operasııasyn bastaıdy. Alaıda, iz kesý jumystary tereńdegen saıyn, áıel adamnyń aryzynda sýrettelgen qylmys keıpi kúdik týdyǵyzǵan. Tergeýshiler 39 jastaǵy kelinshekti qaıta suraqqa alǵan kezde ol shynyn aıtyp, eshqandaı tonaý bolmaǵanyn moıyndaǵan.

Qazir polısııany jalǵan málimet berý arqyly ábigerge salǵan kelinshektiń ózine qatysty qylmystyq is qozǵalǵan. Al jalǵan aryz berýshi bul qadamǵa nesıege alǵan aqshany maqsatsyz jumsap qoıǵanyn, muny úıdegi otaǵasyna túsindirýge qoryqqandyqtan tonaýshylar týraly oqıǵany oılap tapqanyn aıtyp aqtalýda. О́kinishtisi, kelinshek endi 10 mln teńgege deıin aıyppul tóleýi nemese 5 jylǵa deıin bas erkinen aıyrylýy múmkin.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar