Rýhanııat • 20 Qańtar, 2020

«Abaı ár úıdiń tórinde» kitap syılaý aksııasy bastaldy

126 retkórsetildi

S.Toraıǵyrov atyndaǵy Pavlodar oblystyq ámbebap ǵylymı kitaphanasy «Abaı ár úıdiń tórinde» kitap syılaý aksııasyn bastady.

Atalǵan shara qazaqtyń uly oıshyly, fılosof, aqyn, aǵartýshy Abaı Qunanbaıulynyń týǵanyna 175 jyl tolýyna oraı aqynnyń mereıtoıyn keń kólemde atap ótý maqsatynda uıymdastyrylýda. Aksııa aıasynda qoǵamdyq oryndarda qala turǵyndary men qonaqtary arasynda kemeńger tulǵa týraly saýalnamalar júrgizilýde. Sondaı-aq shara barysynda Abaı shyǵarmalary, sonyń ishinde óleńderi men qara sózderin mánerlep oqyǵan, kompozıtordyń ánderin naqyshyna keltire shyrqaǵan qala turǵyndary men qonaqtaryna Abaıdyń kitaptary syıǵa berildi.

Aksııanyń alǵashqy sharasy Pavlodar qalasyndaǵy «Batyr mall» saýda jáne oıyn-saýyq ortalyǵynda ótti. Eń alǵashqy bolyp saýalnamaǵa jaýap berýshi – Pavlodar memlekettik pedagogıkalyq ýnıversıtetiniń 2-kýrs stýdenti Dilnáz Kárimova aqynnyń «Jasymda ǵylym bar dep eskermedim» óleńin mánerlep oqyp berdi.  

- Men Abaı atamyzdyń birneshe óleńin jatqa bilemin. Qazaqtyń basqa da klassık qalamgerlerin súıip oqımyn. Sonyń ishinde Abaı atamyzdyń orny bólek. Taý tulǵanyń shyǵarmalaryn ár qazaq bilýi tıis. Ol ultymyzdyń temirqazyǵy, - dedi Dilnáz Kárimova.

Kitaphana basshysynyń orynbasary Barshagúl Baıjanova saýda ortalyǵynda aınalasy bir saǵattyń ishinde 20 shaqty kitap syıǵa tartylǵanyn aıtty.

- Búgin aksııamyzdyń alǵashqy kúni. Saýda úıinde sharaǵa qatysýshylardyń sany kóp boldy. Kóbisi aqynnyń óleńderin oqýda. Keıbir qatysýshylar Abaıdyń ánderin oryndady. Jalpy, jaýap bergenderdiń basym bóligi jastar. Jas býynnyń Abaı shyǵarmashylyǵyn bilgeni kóńil qýantady. Bul aksııanyń astarynda úlken mán bar. Uly oıshyldyń kitaby ár úıdiń tórinde turýy tıis, - dedi Barshagúl Baltaǵulqyzy.

Aıta keteıik, «Abaı ár úıdiń tórinde» aksııasy jyl sońyna deıin jalǵasyn tappaq. Aksııa qoǵamdyq oryndarda uıymdastyrylatyn bolady. Kitaphana ujymy Abaı shyǵarmashylyǵyn kópshilik arasynda nasıhattaý maqsatynda birqatar tyń jobalardy ázirleýde. Sonyń biri Braıl qarpi boıynsha kózi kórmeıtin jáne nashar kóretin oqyrmandarǵa arnalǵan Abaı óleńderiniń toptamasy. Atalǵan joba boıynsha búginde oblystyq kitaphanada qyzý jumys júrgizilýde. Budan da basqa Abaıdyń 175 jyldyǵyna arnalǵan qyzyqty jobalar kitaphana oqyrmandary men Ertis-Baıan óńiriniń turǵyndaryna aldaǵy ýaqytta usynylatyn bolady.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar