Aımaqtar • 22 Qańtar, 2020

Hakim kitaby – halyqqa

12 retkórsetildi

S.Toraıǵyrov atyndaǵy Pavlodar oblystyq ámbebap ǵylymı kitaphanasy «Abaı – ár úıdiń tórinde» kitap syılaý aksııasyn bastady. Shara aıasynda qo­ǵamdyq oryndarda qala turǵyndary men qonaqtary arasynda kemeńger tul­ǵa týraly saýalnamalar júrgizilýde. Sondaı-aq shara barysynda Abaı shy­ǵar­malary, sonyń ishinde óleńderi men qara sózderin mánerlep oqyǵan, kom­­pozıtordyń ánderin naqyshyna keltire shyrqaǵan qala turǵyndary men qo­naqtaryna Abaıdyń kitaptary syıǵa berildi.

Aksııanyń alǵashqy sharasy Pavlo­dar qalasyndaǵy «Batyr mall» saýda jáne oıyn-saýyq ortalyǵynda ótti. Eń alǵashqy bolyp saýalnamaǵa jaýap berýshi – Pavlodar memlekettik pedagogıkalyq ýnıversıtetiniń 2-kýrs stýdenti Dilnáz Kárimova aqynnyń «Jasymda ǵylym bar dep eskermedim» óleńin mánerlep oqyp berdi.

«Men Abaı atamyzdyń birneshe óleńin jatqa bilemin. Qazaqtyń basqa da klassık qalamgerlerin súıip oqımyn. Sonyń ishinde Abaı atamyzdyń orny bólek. Taý tulǵanyń shyǵarmalaryn ár qazaq bilýi tıis. Ol ultymyzdyń temirqazyǵy», dedi Dilnáz Kárimova.

Kitaphana basshysynyń orynbasary Barshagúl Baıjanova saýda ortalyǵynda aınalasy bir saǵattyń ishinde 20 shaqty kitap syıǵa tartylǵanyn aıtty.

«Búgin aksııamyzdyń alǵashqy kúni. Saýda úıinde sharaǵa qatysýshylardyń sany kóp boldy. Kóbisi aqynnyń óleńderin oqýda. Keıbir qatysýshylar Abaıdyń ánderin oryndady. Jalpy, jaýap bergenderdiń basym bóligi jastar. Jas býynnyń Abaı shyǵarmashylyǵyn bilgeni kóńil qýantady. Bul aksııanyń astarynda úlken mán bar. Uly oıshyldyń kitaby ár úıdiń tórinde turýy tıis», dedi Barshagúl Baltaǵulqyzy.

Aıta keteıik, «Abaı – ár úıdiń tórinde» aksııasy jyl sońyna deıin jalǵasyn tappaq. Aksııa qoǵamdyq oryndarda uıymdastyrylatyn bolady. Kitaphana ujymy Abaı shyǵarmashylyǵyn kóp­shi­lik arasynda nasıhattaý maq­sa­tyn­da birqatar tyń jobany ázir­leý­­de. Sonyń biri Braıl qarpi bo­ıynsha kózi kórmeıtin jáne nashar kóretin oqyrmandarǵa arnalǵan Abaı óleń­de­ri­niń toptamasy. Atalǵan joba boıynsha búginde oblystyq kitaphanada qyzý jumys júrgizilýde.

Budan da basqa Abaıdyń 175 jyldy­ǵy­na arnalǵan qyzyqty jobalar kitap­ha­na oqyrmandary men Ertis-Baıan óńiriniń turǵyndaryna aldaǵy ýaqytta usy­nylatyn bolady.

 

Sońǵy jańalyqtar

Basty aqparat (19.02.2020)

Vıdeo • Búgin, 18:52

Qyzylorda: Bıyl 10 iri joba júzege asady

Aımaqtar • Búgin, 18:52

Zańger kóp, kúzetshi joq

Qoǵam • Búgin, 17:49

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Uqsas jańalyqtar