Suhbat • 22 Qańtar, 2020

Talapty jeter muratqa

35 retkórsetildi

Prezıdenttik jastar kadr re­zer­­vine múshelikke qabyl­dan­­ǵan azamattar jaýapty qyz­met­terge ornalasa bas­taǵa­ny bel­gili. Memleket basshysy Qasym-Jomart Toqaev zor úmit artqan mundaı jas­tardyń qa­tarynda Erjan Ábilhanov ta bar. Búginde Atyraý oblysy áki­miniń orynba­sary laýazymyn abyroımen atqa­ryp otyrǵan aza­matpen áńgi­meles­ken edik.

– Prezıdenttik jastar kadr re­zer­­vine múshelikke ótý úshin nendeı synnan óttińiz?

– Pkrezerv.kz saıtynda Pre­zıdent­tik jastar kadr rezervine óti­nish qa­byl­danatynyn estigen soń, ba­ǵym­dy synap kórýge bel baıladym. Tir­kelip, ótinish berdim. О́tinish qa­byl­danǵan soń, qatysýshy 5 irikteý kezeńinen ótýi kerek eken. Alǵashqy 4 kezeń onlaın-rejimde júrgizildi. Kan­dı­dattardyń qabiletterin testi­leý, tes­tileýdi verıfıkasııalaý, jobalar­dy usyný jáne esse jazý. Joba usyný kezeńin­de óz salamyz boıynsha túıini tarqa­maǵan máseleniń oń sheshimin tabý jolyn qarastyrdyq. Al jobam jer­gilikti qamtý máselesine qa­tys­ty edi.

– Qolǵa alǵan jobańyz neni kóz­deı­­di?

– Ol kezde Munaı jáne gaz aqpa­rat­tyq taldaý ortalyǵy basshysynyń orynbasary, sarapshy boldym. Este­rińizde bolsa, byltyr qyr­kúıekte Prezıdent Q.Toqaev Aty­raý qalasyna jumys saparymen ke­lip, iri mekemelerdiń jabdyq satyp alý, jumysqa qyzmetkerlerdi qa­byldaý isindegi qazaqstandyq ká­sip­kerler men azamattardyń úlesi kóp bolýyna qatysty másele kóter­gen bolatyn. Sol saparynda Mem­le­ket basshysy Tengizchevroil, «Qar­ashy­ǵanaq Petroleým» syndy iri kompanııalardyń basshylyq qyzmetinde qazaqstandyq azamattar bolýy kerektigin alǵa tartty. Mine, Prezıdenttiń osy bastamasyn jú­ze­ge asyrýǵa qatysty Jol kartasy esebinde jobany qolǵa aldym. Usyn­ǵan jobam da sol boldy.

– О́ziń tańdaǵan salada qol jet­kiz­gen tabystaryńnyń birine toq­ta­lyp ótseń.

– 2010 jyly Reseıde munaı sala­syn­daǵy kompanııada qyzmet ettim. Kompanııanyń sol kezdegi sheshilmeı júrgen máselesi – óndiriletin munaı­dyń aılyq josparyn shyǵarý boldy. Munaı kólemi durys eseptelmegen, kóp ne bolmasa az bolǵan jaǵdaıda kompanııa aýqymdy aıyppul tóleýge máj­búrlenetin edi. Kóp jaǵdaıda qolmen sanaýǵa týra keldi. Sol kezde biz arnaıy jumys tobyn quryp, AQSh, Ulybrıtanııa, Nıderland elde­rinen kelgen jáne jergilikti reseı­lik mamandarmen birlese otyryp, munaı kólemin esepteýdiń tolyq sıkldi mo­de­lin jasap shyǵardyq. Nátı­je­sin­de, kompanııa 15 jylda alǵash ret aıyppuldan arylǵan bolatyn.

– Jastar kadr rezervine múshe­lik­ke ótken kezde qandaı sezimde bol­dyńyz?

– Árıne qýanyshymda shek bol­mady. Qýanyshpen qatar, óz múm­kin­digime, qabilet-qarymyma degen senim­dilik paıda boldy. Joǵaryda aıtqa­nymdaı, Prezıdenttik jastar kadr rezervine múshelikke ótinish bergen kezde Munaı jáne gaz aqparattyq tal­daý ortalyǵy basshysynyń orynbasary bolsam, úsh aıǵa sozylǵan irik­teý kezeńi barysynda Energetıka mınıs­trligine qarasty Jer qoınaýyn paıdalaný departamentiniń dırektory bolyp taǵaıyndaldym. Al endi Prezıdenttik jastar kadr rezervi qura­myna qabyldanǵannan keıin 17 qań­tardan bastap Atyraý oblysy áki­miniń orynbasary laýazymyna ta­ǵaıyn­daldym.

– Aldaǵy maqsatyńyz qandaı?

– Endigi arman-muratym týǵan hal­qyma abyroımen qyzmet etip, ózime artylǵan senimdi aqtaı bilý. Buǵan deıin jıǵan tájirıbemdi, alǵan bilimimdi el ıgiligi jolynda jumsaýǵa ba­rymdy salamyn.

– Áńgimeńizge rahmet.

 

Áńgimelesken

Raýan QABIDOLDA,

«Egemen Qazaqstan»

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar