Rýhanııat • 22 Qańtar, 2020

Kókshetaýda volonterlik qozǵalystyń ortalyǵy ashyldy

11 retkórsetildi

Kókshetaýdaǵy Qazaqstan Halqy Assambleıasy oblystyq fılıalynyń janynan volonterlik qozǵalystyń ortalyǵy ashyldy. Onyń quramyna etnomádenı birlestikterdiń, úkimettik emes jáne jastar uıymdarynyń ókilderi kirip otyr.   

Aldymen ashyq esik kúni ótkizildi. Tuńǵysh sharada alǵa qoıǵan maqsat-murat keńinen qamtylyp aıtylyp, is-qımyldyń baǵytyn baǵdarlaıtyn tujyrymdama tanystyryldy. Eriktiler qozǵalysynyń jaýapty mamany Dınara Kákpenovanyń aıtýynsha, kez-kelgen jas volonter atana alady. Ol úshin ár jastyń kókireginde qoǵamdy izgilendirýge degen nıet pen talap bolsa bolǵany. Al, tirkelý onlaın ótinish arqyly iske asyrylady. 

–Onyń merzimi sheksiz. Eriktiler bizge kez-kelgen kire alady. Qaıyrymdylyq kóptik etpeıdi ǵoı. Álde bir járdemdi qajet etetin jandardyń janynan tabylyp, qolǵanat bola alsaq, tipti tamasha emes pe?! Ortalyq jańa ashylyp jatyr, sondyqtan, qaıyrymdy jandardyń kóbeıetindigine senimimiz kámil, deıdi Dınara Kákpenova.

Eriktiler qozǵalysynyń ashyq esik kúnine kelgen qatysýshylardyń arasynda «Jas Otan» jastar qanatynyń óńirlik mamandary da boldy. Olar da óz kezeginde «Eriktiler jylyna» oraı uıymdastyrylyp jatqan jaqsy isterdiń barysymen bólisti. Endi jastar isin qolǵa alyp otyrǵan bilikti mamandar oblystyq fılıal janynan úsh aılyq eriktiler mektebin ashpaq.

Volonterlik qozǵalys  jumysynyń nátıjesi óńirdegi eriktilerdiń sanyn kóbeıtýmen baǵalanady. Ári óskeleń urpaq arasynda jastardy jaqsylyqqa baýlý, júrek jylýymen bólisý sezimderin qalyptastyrmaq.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar