Hakim esimi laıyqty ulyqtalyp keledi

Bıyl qazaqtyń bas aqyny, oıshyl, fılosof, aýdarmashy, kompozıtor, ǵulama ǵalym, kemeńger tulǵa Abaı Qunanbaıulynyń 175 jyldyq mereıtoıy. Osy oraıda, Uly aqynnyń naǵashy jurty sanalatyn Qaraǵandy oblysyndaǵy Abaı esimin ıe­lengen eldi mekender men nysa­n­dar­ǵa taǵy bir márte sholý jasaı ket­kendi jón kórdik.

Oblys ortalyǵyndaǵy Bu­qar j­yraý dańǵyly boıyn­da ornalasqan «Qara­ǵan­dy ob­lys­tyq balalar kitap­ha­na­sy­­na» 1954 jyly Abaı esimi be­ril­gen. Sol jyly Qarqaraly aýda­nynda Abaı selolyq okrý­gi paıda boldy. Ob­lystaǵy Abaı qalasynda 1969 jyly «Abaı atyndaǵy tigin fabrıka­sy» qurylǵan. 1973 jyly óńir­de Abaı atyndaǵy aýdan qu­ryl­dy. 2008 jyly kenshiler asta­na­syndaǵy «Shalqyma» konsert zalynyń aldynda Abaı Qunanbaıulyna eskertkish qo­ıyl­­­dy. Sonymen qatar osy jyly Abaı aýdanynyń «Abai-aqiqat» gazeti jaryqqa shyǵa bas­tady. 1985 jyly Aqtoǵaı aýda­nyndaǵy Abaı Qunanbaıuly aýy­lynda hakim­ge eskertkishi orna­tyldy. 1997 jyl­­dan bastap Abaı qalasy Abaı aýda­­nynyń ortalyǵy bolyp qu­ryl­dy.

Budan bólek, oblysta kemeń­ger aqyn atyndaǵy kóptegen ny­­san bar. Mysaly, Abaı qala­synyń basty kóshesine Abaı esi­mi berilgen. Abaı atyndaǵy ádebı-memorıaldyq murajaı bar. Abaı qalasynda «Abaı jáne Kalının» atyndaǵy shahta jumys istedi. Abaı qalasynda aqynnyń esimi­men kóshe ataldy. Aqtoǵaı aýda­nyn­­da Abaı Qunanbaıuly atynda aýyl bar. Abaı aýdanyndaǵy Topar aýy­lyn­da Abaıdyń esimin ıe­len­gen mektep bar. Oblys­ta­ǵy Sátbaev qalasynda Abaı atyn­­da­ǵy №4 mektep-lıseı ju­mys isteıdi. Abaı qalasynda Abaı atyndaǵy №5 mektep-gımnazııa bar. Shet aýdanynyń Jumysker aýylyndaǵy orta mektep Abaı Qunanbaıuly esimin ıelik etken. Aqtoǵaı aýdanyndaǵy Abaı aýy­lynda Abaı atyndaǵy negizgi orta mektep bar. Nura aýdanynyń Shu­bar­kól aýylyndaǵy mektep te Abaı esimimen atalady. Qar­qa­­raly aýdanyndaǵy Abaı selo­lyq okrýginiń mek­te­bine qa­zaq­tyń betke ustar aqy­ny­nyń esimi berilgen. 2019 jyly Qar­qa­raly qalasynda Qunan­baı qajy men bala Abaıǵa eskert­kish qoıyldy. Al kúni keshe Qa­ra­ǵandy kósheleriniń ataýlaryn aýystyrý jónindegi kópshilik tyń­daýda qala turǵyndary oblys orta­lyǵyndaǵy Lenın kóshesin Abaı esimimen ataýǵa bir kisideı daýys berdi.

Gúldana JARKEEVA,

N.Gogol atyndaǵy oblystyq ámbebap ǵylymı kitaphanasy merzimdi basylymdar bóliminiń qyzmetkeri

QARAǴANDY