Saıasat • 23 Qańtar, 2020

Jaýapkershilikke tartý usynyldy

27 retkórsetildi

Nur Otan partııasy janyndaǵy Sybaılas jemqorlyqqa qarsy is-qımyl jónindegi respýblıkalyq qoǵamdyq keńes «Nátıjeli jumyspen qamtýdyń jáne kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn» júzege asyrý barysynyń kóńil kónshitpeıtini týraly qorytyndyǵa keldi.

Eńbek jáne halyqty áleýmettik qorǵaý mınıstri Birjan Nurymbetov atap ótkenindeı, «Eńbek» baǵdar­la­ma­sy 2017 jyldan beri iske asy­ry­­lyp keledi. Osy ýaqyt ishinde 1,3 mln azamat baǵdarlamanyń qatysý­shy­­sy boldy, olardyń – 40 % jas­tar.

«Úsh jylda kásipkerlikti damy­týǵa 186 mlrd teńge baǵyttalyp, 39 myń nesıe berildi. Nesıe alýshy­lardyń 63 % – óz isin jańadan ashqan adamdar. Baǵdarlamany júzege asyrý kezinde sýbsıdııa berý arqyly 414 myń jumys oryny quryldy»,  dedi mınıstr.   

Jaqsy nátıjelerdiń bolǵa­nyna qaramastan, «Eńbek» baǵdar­la­masyn iske asyrý barysynda kóp­tegen keleńsizdikter, onyń ishinde jemqorlyq sıpattaǵy zańbuzý­shylyqtar da oryn alǵan. Keńes múshesi, Parlament Májilisiniń depýtaty Baqytgúl Hamenovanyń aıtýynsha, «Eńbek» baǵdarlamasy qolǵa alynǵan 3 jyl ishinde 88 jemqorlyq qylmys tirkelip, sotqa 56 qylmystyq is jiberilgen.

«Sonymen birge 6 mıllıardqa jýyq teńge naryqta suranysqa ıe emes mamandyqtarǵa oqytýǵa jum­sal­ǵan. Baǵdarlama aıasynda oqyǵan 80 myń adamnyń bar-joǵy 23 my­ńy mamandyǵy boıynsha jumys­qa ornalasqan. Kásipker retinde tir­kelmegen jáne salyqtyq tólemder boıynsha qaryzy bar azamattarǵa 1,3 mlrd teńge bolatyn nesıe bólýdiń 750 deregi anyqtaldy», dedi Baqytgúl Hamenova.     

Otyrys sońynda Keńes músheleri maqsatty ındıkatorlar men mem­le­kettik baǵdarlama aıasyndaǵy min­det­terge eńbek naryǵyndaǵy aǵym­daǵy jaǵdaılardy burmalaý arqy­ly qol jetkizilip otyrǵany týraly ortaq qorytyndyǵa keldi. Tal­daý jumystarynyń nátıjesi osy mem­lekettik baǵdarlamany iske asyrý bary­synda oryn alǵan sybaılas jem­qorlyqtyń negizgi sebepteri, ýáki­letti organdar men laýazymdy tulǵa­lar­dyń uıymdastyrýshylyq qyzme­tiniń tómendiginen,  norma­tıv­tik quqyqtyq aktilerde jemqor­lyqqa jol berýge múmkindik beretin ta­lap­tardyń bolýynan jáne Eńbek jáne halyqty áleýmettik qorǵaý mınıs­tr­ligi basshylyǵy tarapynan tıis­ti vedomstvolyq baqylaýdyń bol­maýynan oryn alǵanyn kórsetken.

Keńes «Eńbek» baǵdarla­masyn júzege asyrý boıynsha keleńsizdikterdi joıý men jumysty jaqsartýǵa qatysty Eńbek jáne halyqty áleýmettik qorǵaý mınıs­trligine birqatar usynys jasady. Atap aıtqanda, baǵdarlama aıasynda jastardyń tájirıbe alý merzimin 6 aıdan 1 jylǵa deıin uzartý usynyldy. Partııalyqtar ataýly áleýmettik kómek alatyn otbasylarǵa erekshe kóńil bólip, olar úshin grant bólý erejesin qaıta qaraýǵa basa nazar aýdardy.   

«Jańa bıznes-ıdeıalardy iske asyrýǵa arnalǵan memlekettik granttardyń kólemi 200 AEK-ke deıin ulǵaıdy. Tabysy az otba­sy­lardyń osy sanatqa jatatyny málim. Alaıda, grantpen alynatyn soma otbasynyń jalpy tabysyn sanaý kezinde esepke alynatyndyqtan, AÁK alýshylar granttan bas tartýda. Osyǵan oraı, otbasynyń jalpy tabysyn sanaǵanda bıznesin jol­ǵa qoıyp alǵanǵa deıin grant so­ma­­syn kiris retinde eseptemeý ke­rek, sonda olar AÁK-ten aıyry­lyp qalmaıdy», dedi Omarhan
О́ksikbaev.

Sonymen qatar Keńes Qyzylorda oblysy ákiminiń orynbasary Baqyt Jahanovty, Túrkistan oblystyq Jumyspen qamtýdy úılestirý  jáne áleýmettik baǵdarlamalar basqarmasynyń basshysy Ásııa Temirbaevany, Shymkent qalalyq Jumyspen qamtýdy úılestirý  jáne áleýmettik baǵdarlamalar basqarmasynyń basshysy Ǵalym­jan Baltaevty jáne Eńbek jáne halyqty áleýmettik qorǵaý mı­nıstrligi Halyqty jumyspen qam­tý departamentiniń dırektory Erbolat Ábilhatındi partııalyq jáne tártiptik jaýapkershilikke tartýdy usyndy.

 

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar