Atalǵan kórmeni tamashalaǵan Pavlodar qalasynyń turǵyndary men qonaqtary, zııaly qaýym ókilderi, mádenıet jáne óner mekemeleriniń qyzmetkerleri Hakim Abaıdyń shyǵarmashylyǵy, ósken ortasy, ómir súrgen zamany týraly málimetter alyp, Uly aqyn ómirinen syr shertetin asa baǵaly aqparattarǵa qanyqty.
Kórermender nazaryna 1885 jyly Tarıhı ólketaný mýzeıine Abaı Qunanbaıulynyń óz qolymen tabystaǵan asa qundy jádigerler usynyldy. Abaı alaqanynyń taby qalǵan etnografııalyq buıymdar men turmystyq zattardan bólek qyzyǵýshylyq bildirgen qonaqtar Abaı mýzeıiniń qoryndaǵy Abaı Qunanbaıulyna qatysty fotosýretter men arhıvtik qujattar jáne qoljazbalarmen, abaıtaný ǵylymyn damytý baǵytynda jaryq kórgen mýzeıdiń baspa ónimderimen tanysty.
Sonymen qatar bul kóshpeli kórmege Abaı mýzeıiniń qoryndaǵy asa baǵaly kartınalardyń biri J.Shárdenovtyń «Jas Abaı» týyndysy alǵash ret qoıylyp otyr.
Atalǵan kórme kıeli Kereký, qasıetti Baıanaýyl ólkesiniń turǵyndary men qonaqtary úshin 22 qańtardan 12 aqpanǵa deıin jumys isteıdi.
