Aımaqtar • 23 Qańtar, 2020

Aqyn toıy týǵan topyraǵynda jalǵasty

83 retkórsetildi

«Abaı toıy – halyq toıy. Bul oıdyń toıy.

Bıylǵy jyldyń eń basty mereıtoıy – Abaı Qunanbaevtyń 175 jyldyǵy 21 qańtarda Elbasy Nursultan Nazarbaev pen Memleket basshysy Qasym-Jomart Toqaevtyń qatysýymen Arqa tórinde saltanatty túrde bastalǵan edi. Alashtyń astanasynan bastaý alǵan mereıtoılyq sharalar estafetasyn 22 qańtarda aqynnyń týǵan topyraǵy Shyǵys Qazaqstan oblysy birden ilip áketip, óńirdiń qalalary men aýdandarynda birqatar taǵylymdy sharalar uıymdastyryldy.

ós

Uly aqynnyń mereıli mereıtoıyna arnalǵan sharalar legi oblys ortalyǵy – О́skemen qalasynan bastaý aldy. Shahardaǵy zııaly qaýym ókilderi, aqsaqaldar, jastar, qalanyń qarapaıym turǵyndary Respýblıka alańyndaǵy hákim eskertkishine gúl shoqtaryn qoıyp, aqyn rýhyna taǵzym etti.

ó

Myńǵa jýyq adam jınalǵan saltanatty shara О́skemen qalalyq Ishki saıasat, mádenıet jáne tilderdi damytý bóliminiń basshysy Qalqaman Sarınniń quttyqtaý sózimen ashyldy. «Arqa tórinen bastaý alǵan aqyn toıy búgin mine, Altaıda, Abaı elinde jalǵasyp jatyr. Oblys ákimi Danıal Kenjetaıuly atap ótkendeı,  bıyl óńirimizde Abaı toıyna arnalǵan 500-den astam is-shara ótedi. О́skemen qalasy ákimdiginiń de óz josparlary bar. Qala kóleminde 100-ge jýyq irili-usaqty mádenı is-sharalar Abaı atamyzdyń 175 jyldyq mereıtoıyna arnalady. Sondyqtan biz uly aqynnyń jerlesteri retinde moınymyzdaǵy jaýapkershilikti jaqsy sezinýimiz kerek» dedi ol.

Budan keıin О́skemendegi S.Amanjolov atyndaǵy Shyǵys Qazaqstan memlekettik ýnıversıteti rektorynyń keńesshisi, professor Silámbek Orazalın sóz alyp, jurtshylyqty mereıtoımen quttyqtap, Abaıdyń «Esińde bar ma jas kúniń» óleńin mánerlep oqyp berdi. Aqyn eskertkishi aldyndaǵy shara alańdaǵy jurttyń qosyla shyrqaǵan «Kózimniń qarasy» ánimen túıindeldi. Bul kúni oblys ortalyǵyndaǵy mádenı oshaqtardyń, bilim nysandarynyń barlyǵynda derlik taǵylymdy, mazmundy is-sharalar uıymdastyryldy.

ósk

Máselen, A.Pýshkın atyndaǵy oblystyq kitaphanada fılologııa ǵylymdarynyń kandıdaty Lıýsııa Abdýllınanyń «Zamanaýı oqýdaǵy Abaı» atty ınteraktıvti, avtorlyq dáris-áńgimesi men jýrnalıst, abaıtanýshy, sózjumbaq qurastyrýshy Qalıbek Altybaevtyń jetekshiligimen «Men bir jumbaq adammyn...» sózjumbaq saıysy ótkizilip, sharaǵa kelýshiler Abaı shyǵarmashylyǵy boıynsha latyn álipbıinde dıktant jazdy.

or

Al Oralhan Bókeı atyndaǵy qalalyq kitaphanada abaıtanýshy ǵalymdar, zııaly qaýym ókilderi bas qosyp, áýeli 1954 jyly túsirilgen «Abaı» tuńǵysh derekti fılmin tamashalap, Prezıdent Qasym-Jomart Toqaevtyń «Abaı jáne XXI ǵasyrdaǵy Qazaqstan» maqalasyn jan-jaqty talqylap, oılaryn ortaǵa saldy. Dóńgelek ústel barysynda «Abaı sózi – rýhanı jańǵyrýdyń temirqazyǵy», «Hákim Abaıdyń tálimdik ıdeıasy», «Abaı álemi – ult maqtanyshy», «Abaı taǵylymy – zerdeli urpaq negizi» taqyryptarynda mazmundy baıandamalar jasaldy.

Alashtyń rýhanı astanasy atanǵan Semeı qalasynda Abaı toıynyń bastalýyna oraı elimizge esimderi keńinen tanymal ónerpazdardyń qatysýymen úlken konsert ótti.

sem

Mádenı sharaǵa oblys ákiminiń orynbasary Álisher Marhabat qatysyp, álemdik deńgeıdegi oı alybynyń mereıtoıyn joǵary deńgeıde ótkizý aqynnyń jerlesteri úshin úlken jaýapkershilik júkteıtindigin atap ótti.

áldi

«Abaı toıy – halyq toıy. Bul oıdyń toıy. Abaı toıy taǵylymymen, úlgi-ónegesimen el esinde qalýy tıis. Osy oraıda aqyn mereıtoıy oblystyń ár qalasynda, ár aýdanynda joǵary deńgeıde atalyp ótetin bolady» dedi ol.

sems

Konsertte Erlan Rysqalı, Gúlmıra Sarına, Ádil Turǵanbaev, Berik Omarov syndy dástúrli ánshilermen qatar «Astana Opera» teatrynyń Medet Shotabaev, Jupar Ǵabdýllına sekildi ónerpazdary oblys ákiminiń sımfonııalyq orkestri, Semeı qalasyndaǵy Á.Qashaýbaev atyndaǵy fılarmonııasynyń «Bıbigúl» atyndaǵy qazaq ult aspaptar orkestriniń súıemeldeýimen Abaı ánderin áýelete shyrqady.

steatr

Jalpy, bul kúni óńirdiń barlyq qala-aýdandarynda Abaı toıynyń resmı bastalýyna oraı kóptegen is-sharalar ótkizildi.

 Shyǵys Qazaqstan oblysy.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar