Parlament • 23 Qańtar, 2020

Májiliste atom energııasyn paıdalaný máseleleri boıynsha zań jobasyna túzetýler tanystyryldy

219 retkórsetildi

Búgin Májiliste Vıse-spıker Vladımır Bojkonyń qatysýymen «Qazaqstan Respýblıkasynyń keıbir zańnamalyq aktilerine atom energııasyn paıdalaný máseleleri boıynsha ózgerister men tolyqtyrýlar engizý týraly zań jobasynyń tanystyrylymy ótti. Bul týraly Parlament Májilisiniń baspasóz qyzmeti habarlady.

Májilis depýtaty, Ekologııa máseleleri jáne tabıǵat paıdalaný komıtetiniń tóraǵasy Gleb Shegelskıı atalǵan zań jobasy atom energııasyn paıdalaný salasyndaǵy qoldanystaǵy zańnamany jetildirýge baǵyttalǵanyn atap ótti.

Zań jobasynda quqyqtyq qaıshylyqtar men olqylyqtardy joıý, sondaı-aq halyqtyń radıasııalyq qaýipsizdigin qamtamasyz etý salasyndaǵy memlekettik organdardyń qaıtalanatyn fýnksııalaryn boldyrmaý kózdeledi. Zań jobasynyń negizgi tujyrymdary týraly Energetıka vıse-mınıstri Suńǵat Esimhanov baıandady. Ol atalǵan salada qoldanylatyn termınologııany naqtylaý, memlekettik organdardyń ókilettikteri men fýnksııalarynyń ara-jigin ajyratý, atom energııasyn paıdalaný obektilerinde jumys jasaıtyn personaldyń qaıta attestattaýdan ótýi jáne osy salada kórsetiletin memlekettik qyzmetterdi ońtaılandyrý máselelerine toqtaldy.

Vıse-mınıstrdiń aıtýynsha, halyqtyń radıasııalyq qaýipsizdigin qamtamasyz etý salasyndaǵy memlekettik organdardyń ókilettikteriniń ara-jigin ajyratý qorshaǵan ortany jáne halyqtyń densaýlyǵyn atom energııasyn paıdalaný obektileriniń zııandy áserinen qorǵaýdyń tıimdiligin arttyrýǵa yqpal etetin bolady. Tanystyrylymǵa Ulttyq ekonomıka, Qarjy, Syrtqy ister, Sıfrlyq damý, ınnovasııa jáne aeroǵarysh ónerkásibi, Ishki ister, Ádilet, Ekologııa, geologııa jáne tabıǵı resýrstar mınıstrlikteriniń, Ulttyq qaýipsizdik komıtetiniń, «Atameken» Ulttyq kásipkerler palatasynyń, «Qazatomprom» AQ jáne «KAES» JShS ókilderi qatysty.

Májilistiń Ekologııa máseleleri jáne tabıǵat paıdalaný komıtetiniń aıasynda ótken is-sharada aıtylǵan usynystar men pikirler odan ári depýtat Artýr Platonov jetekshilik etetin jumys tobynyń otyrystarynda talqylanatyn bolady.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar