Qoǵam • 27 Qańtar, 2020

Lısenzııasynan aıyrdy

47 retkórsetildi

Byltyr Aımaqtyq áleýmettik-ınnovasııa­lyq ýnıversıtetinde Qazaqstan Respýb­lıka­synyń bilim berý salasyndaǵy zańna­masynyń saqtalýyna eki ret tekserý júr­gizil­gen bolatyn. Alaıda, joǵary oqý orny Bilim jáne ǵy­lym salasyndaǵy sapany qam­ta­masyz etý jónindegi komıtettiń uıǵa­ry­myn oryndamady.

Osyǵan baılanysty komıtet ýnıversıtetti bilim berý qyzmetin júrgizý quqyǵyna lısen­zııadan aıyrý úshin sotqa júgindi. 2020 jyl­dyń 9 qańtarynda Shymkent qalasynyń maman­dandyrylǵan ákimshilik soty komıtettiń nusqa­masyn qanaǵattandyryp, joǵary oqý ornyn lısenzııadan aıyrý týraly sheshim qabyldady. Biraq sheshim áli zańdy kúshine engen joq.

Osyǵan baılanysty mınıstrlik oqýdy jalǵas­tyrý úshin stýdentterdi basqa joǵary oqý oryndaryna aýystyrý jóninde sharalar qabyldaıtyn bolady. Osy maqsatta jumys toby quryldy. Aýdarý zań­namaǵa sáıkes demalys ýaqytynda júzege asyrylady.

«Bilim týraly» zańnyń 42-baby 2-tarmaǵyna sáıkes bilim berý uıymy bilim berý qyzmetimen aınalysýǵa lısenzııasynan aıyrylǵan nemese taratylǵan jaǵdaıda onyń quryltaıshysy bilim alýshylardy oqýyn jalǵastyrý úshin basqa bilim berý uıymdaryna aýystyrýǵa sharalar qol­danady.

2020 jyldyń 1 aqpanyna deıin qabyldanǵan sheshim boıynsha qosymsha habarlanatyn bolady.

Atalǵan vedomstvo stýdentterdiń quqyqtary men múddelerin qorǵaý maqsatynda usynylatyn bi­lim berý qyzmetteriniń sapasyna nazar aýdarýdy suraıdy.

Jospardan tys tekserý qorytyndysy boıynsha ýnıversıtettiń bilim berý qyzmetinde óres­kel buzýshylyqtar anyqtalǵan bolatyn. Atap aıtqanda, talapkerlerdi shyǵarmashylyq emtıhandarsyz, 086-Ý nysanyndaǵy medısına­lyq anyq­tamasyz, UBT sertıfıkatynyń túpnusqasyn­syz jáne beıindi pánderdi esepke almaı qabyldaý fakti­leri anyqtalǵan. Sondaı-aq sabaq kestesin saqta­maý faktileri anyqtaldy.

 

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar