«Aqtóbe – Oral» baǵytyndaǵy №613 jolaýshylar poıyzyn teksergen Aqtóbe shekara otrıadyna qarasty «Jaısań temir jol» ótkizý pýnktiniń shekara narıady 1974 jyly týǵan Qazaqstan azamatynyń tólqujatyn usynǵan adamdy ustady. Sebep – jolaýshynyń túri tólqujattaǵy fotosýretke uqsaǵanymen, 46-ǵa tolmaǵan er adam úshin tym egde kóringen edi.
Qyraǵylyq óz jemisin berdi, kúdik dáleldendi. Ári qaraıǵy tekserý 45 jastaǵy Rýslannyń tólqujatymen saparǵa shyqqan onyń týǵan aǵasy, 59 jastaǵy Úsen ekendigin anyqtap berdi. Isti Mártók aýdany boıynsha quqyq qorǵaý organdary qarastyratyn bolady, dep habarlady Ulttyq qaýipsizdik komıteti Shekara qyzmetiniń baspasóz ókili.
