Qazaqstan • 27 Qańtar, 2020

OneWeb pen AHQO seriktestik jónindegi kelisimge qol qoıdy

248 retkórsetildi

Jahandyq baılanysty qamtamasyz etýdi maqsat etken OneWeb álemdik kommýnıkasııalyq jelisi «Astana» Halyqaralyq qarjy ortalyǵymen (AHQO) ózara túsinistik týraly Memorandýmǵa (Memorandým) qol qoıdy. 

Memorandým Qazaqstan men Orta Azııada birqatar mańyzdy maqsattarǵa qol jetkizý jolyndaǵy seriktestiktiń bastaý alǵanyn bildiredi. Máselen, Qazaqstanda birinshi keń jolaqty joǵarǵy jyldamdyqtaǵy spýtnıktik baılanysyn usynýdan bastap, búkil Orta Azııa boıynsha OneWeb baılanys qyzmetterin kórsetýdi qoldaý úshin elde tehnıkalyq torap qurý bolmaq. 

Memorandýmǵa AHQO Basqarýshysy Qaırat Kelimbetov pen OneWeb Bas dırektory Adrıan Shtekel Davostaǵy Dúnıejúzilik ekonomıkalyq forýmy kezinde qol qoıdy. Olar OneWeb pen Qazaqstan arasyndaǵy yntymaqtastyqty keńeıtý úshin «Sıfrlyq Qazaqstan» baǵdarlamasyn iske asyrýǵa járdemdesý jóninde OneWeb-tiń rólin jáne basqa da bastamalardy talqylady.

«Sıfrlyq Qazaqstan» baǵdarlamasynyń baǵyttarynyń biri 2022 jylǵa qaraı Qazaqstan Respýblıkasy boıynsha keń jolaqty joǵarǵy jyldamdyqtaǵy ınternetti búkil halyqqa qoljetimdi etý. Osylaısha sıfrlyq tehnologııalardyń kómegimen turǵyndardyń ómir súrý deńgeıin jaqsarta otyryp, el ekonomıkasyn damytýǵa yqpal etedi. «Sıfrlyq Qazaqstan» baǵdarlamasy, sondaı-aq eldiń telekommýnıkasııalyq jelilerin keńeıtýge múmkindik beredi ári shalǵaı jatqan 6600 eldimekendi jerserik arqyly ınternetke qosady.

Osy rette OneWeb Qazaqstannyń mektepteri men aýrýhanalary, basqa da kásiporyndarynda, jeke jáne memlekettik sektorlarda «talshyq tárizdi» keń jolaqty joǵarǵy jyldamdyqtaǵy baılanyspen qamtamasyz etý úshin jergilikti baılanys operatorlaryn dıstrıbýsııa boıynsha seriktes retinde shaqyratyn bolady. 

Sondaı-aq Qazaqstannyń qoldanystaǵy ǵarysh ınfraqurylymy sheńberinde búkil Orta Azııa aımaǵyna qyzmet kórsetetin Tehnıkalyq ortalyqty ashý qarastyrylmaq. OneWeb Orta Azııadaǵy Tehnıkalyq ortalyqtyń jumysy úshin AHQO quzyretinde birlesken kásiporyn qurý múmkindigin qarastyrady.

OneWeb Qazaqstannyń óz ekonomıkasyn sıfrlandyrýǵa jáne jańa spýtnıktiń baılanys tehnologııalarynyń kóshbasshy ortalyǵyna aınalýyn ári «Jańa keńistik» spýtnıktik tehnologııasyn damytýǵa biregeı tájirıbe men jalpy spýtnıktik baılanys sektoryna serpin bere otyryp, Qazaqstannyń ınnovasııalyq memleket retinde damýyn  qoldaıdy.

Adrıan Shtekel, OneWeb Bas dırektory: «Men AHQO men OneWeb-tiń strategııalyq seriktesterge aınalǵanyna óte qýanyshtymyn jáne biz muny Qazaqstan Respýblıkasymen aýqymdy seriktestikke birinshi qadam retinde qarastyramyz. Qazaqstan OneWeb sııaqty sıfrlyq alshaqtyqty eńserýdi jáne zamanaýı spýtnıktik tehnologııalardy paıdalana otyryp, óz ekonomıkasy men ónerkásibin sıfrlandyrýdy qamtamasyz etýdiń mańyzdylyǵyn kóredi».

AHQO Basqarýshysy Qaırat Kelimbetov: «Men OneWeb-pen ózara túsinistik týraly Memorandýmǵa qol qoıǵanyma qýanyshtymyn. Sebebi AHQO eń qolaıly sharttar men orta usyna ári bıznesti qurýǵa kómektesedi, sondyqtan Qazaqstanda ınnovasııalyq jobalardyń paıda bolýyn kútedi. Bul bizdiń ekonomıkamyzdyń damýyna serpilis beretin alǵashqy qadamdardyń biri.»

2019 jyldyń aqpan aıynyń sońynda OneWeb tómengi Jer mańy orbıtasynyń birinshi legin sátti iske qosty. Kelesisin Baıqońyr ǵarysh aılaǵynan 2020 jyldyń aqpan aıynda ushyrý josparlanǵan. Bul júıeli túrde 30 spýtnıktiń bir mezette ushyrylýyn, osylaısha OneWeb-tiń 650 jerserikten turatyn júıesiniń bastaý alǵanyn meńzeıdi. Ári qaraı qosymsha júktemeni qamtamasyz etetin legi jalǵasyn tabady.  

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar