QAÝIP KÚShEIE TÚSTI

Tótenshe jaǵdaılar mınıstri V.Bojko men oblys ákimi B.Saparbaev eki kúndik sapardan keıin О́skemende ótken shtab otyrysynda osylaı dedi Elbasy N.Nazarbaevtyń arnaıy tapsyrmasymen Tótenshe jaǵdaı­lar mınıstri V.Bojko bastaǵan jedel toptyń Kendi Altaıǵa kelip, topan sý basyp jatqan Tarbaǵataı, Zaısan, Úrjar, Ulan aýdandaryn aralap, apatty óz kózderimen kórip, osy sátte qınalǵan turǵyndarmen júzdesýi, olarǵa dem berýi kóp­shi­likti bir serpiltip tastady. Apat bolǵan aımaqtarǵa Úkimet 849 mıl­lıon teńge bólgen, ol aýdandar men qalalarǵa kelip túse bastady. Má­se­len, Rıdder – 160, Kúrshim – 154, Zaısan – 114, Úrjar – 53, О́skemen – 40, Semeı 31 mıllıon teńgege ıe bolǵan. Ázirshe qar mól­she­riniń 20 paıyzy ǵana eripti. Alǵashqy bir aptada kún qatty jylyp, keıbir sý qoımalaryn mól­sherden tys jınalǵan sý buzyp, eldi mekenderdi basyp qalsa, bıiktigi bes-alty metr mol qar kúrt erip, apatty jaǵdaı týdyrǵanyn bilemiz. Artynsha kún sýyp, tur­ǵyndardyń es jıyp alýlaryna jaǵdaı jasady. Mine, birer kúnnen beri kún qaıtadan jylyp, halyqty ábigerge salýda. Shtab otyrysyn bastaǵan oblys ákimi Berdibek Saparbaev Úrjardan oralǵanyn, onda Eginsý sý qoı­ma­symen tanysqandaryn, О́skemende de sý basý qaýpi bar jerlerdi kór­ge­nin, qardyń erýinen qaýipti jaǵ­daıdyń oryn alyp otyrǵanyn tilge tıek etti. Úrjarda turǵyndardyń apatpen kúresi atap ótýge turarlyq, árbir adam ár kóshe, aýlalardy qa­tań kúzetke alǵan. Sýdyń kózin ashyp, aýlalardy shaıyp ketpeýin qadaǵalaýda. Alaıda, jaǵdaı barlyq jerde birdeı emes. Búgingi kúni 33 myń qoı-eshki, 7 myń iri qara, myńdaǵan jylqy ólgen. Jeti myń­nan astam adam basqa jerlerge kóshi­rilgen. Tarbaǵataıda turǵyndar mektepter men klýbtarda turyp jatyr. Ystyq tamaq jetkizilýde. Biraq halyq alańdaýly. 2 sáýirden balalardyń sabaqtaryn jalǵasty­ra­tynyn, shamamyz kelgenshe bar­lyq jaǵdaıdy jasaıtynymyzdy aıttyq, deıdi óńir basshysy. Eldi­gimiz men erligimiz tanylatyn syn sátte respýblıkadan, ár oblys tur­ǵyndarynan kómek alsaq, alǵystan basqa aıtarymyz joq. Sebebi, júz­degen adam úı-kúısiz qaldy, tek Tas­bastaý aýylynda birneshe úı qı­rap qaldy. Qazir elimizdiń barlyq oblystarynan tehnıka, adamdar kómekke kelýde. TJM qajetti tik­ushaq, aýyr tehnıkalardy jiberdi. Biz bara almaǵan jerge olar der kezinde jetip, talaı adamdy sý tasqynynan alyp shyqqanyna kýá boldyq, deıdi aımaq basshysy. Tó­tenshe jaǵdaılar mınıstri V.Bojko mınıstrliktiń 17 bólimderiniń osynda shoǵyrlanǵanyn, 544 adam, 122 tehnıkanyń jetkizilgenin habarlady. Kúrshim aýdanynda da birneshe aýyldardy sý ala bastady. Abaıdaǵy jaǵdaı belgili, aýdan ortalyǵy Qaraýyldy sý basyp, der kezinde jetken kómektiń arqasynda adam ólimine jol berilmedi. Biraq, qyrylyp jatqan mal sany kóbeımese, azaıar emes. Ońdasyn ELÝBAI, Shyǵys Qazaqstan oblysy.