Ekonomıka • 28 Qańtar, 2020

Bıyl aqpanda bank júıesi aktıvteriniń sapasyn táýelsiz baǵalaý aıaqtalady - M. Ábilqasymova

48 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Qarjy naryǵyn retteý jáne damytý agenttiginiń tóraǵasy Mádına Ábilqasymova 2020 jyly 24 qańtarda ótken Úkimettiń keńeıtilgen otyrysynda aıtylǵan tapsyrmalardy iske asyrý sharalary týraly baıandady. Bul týraly Premer-Mınıstrdiń baspasóz qyzmeti habarlady.

Atalǵan sharalar aıasyndaǵy qarjylyq retteýshiniń jumys baǵyttarynyń biri ‒ qarjylyq turaqtylyqty qamtamasyz etý, onyń ishinde bank júıesin qalypqa keltirý. M. Ábilqasymova atap ótkendeı, bıyl aqpan aıynda 2019 jyly bastalǵan bank júıesiniń aktıvteriniń sapasyn táýelsiz baǵalaý aıaqtalady.

«Bank sektoryn qalypqa keltirý bıýdjet qarajatyn paıdalanbaı naryqtyq jaǵdaılarda provızııalar men kapıtaldyń barabar qoryn qurý arqyly jalǵasady», — dep atap ótti ol. 

Onyń aıtýynsha, tıisti tásilder bıylǵy jyldyń I toqsannyń sońyna deıin ázirlenedi.

M. Ábilqasymova sonymen qatar qarjy sektorynyń turaqtylyǵyn qamtamasyz etý úshin 2020 jyldan bastap júıeli túrde tolyq aýqymdy negizde bank jáne saqtandyrý sektorlarynda táýekelge baǵdarlanǵan qadaǵalaý (TBQ) engiziletinin habarlady. TBQ Qarjylyq turaqtylyq jónindegi keńes aıasynda Agenttik pen Ulttyq Banktiń birlesip júrgizetin makroprýdensııalyq retteý sharalarymen kúsheıtiledi.

«Bank júıesin qalypqa keltirý bankterdiń ekonomıkany kredıtteýin ulǵaıtýǵa yqpal etetin bolady», — dedi M. Ábilqasymova.

Sonymen birge ol shaǵyn jáne orta bıznesti nesıelendirý múmkindigin keńeıtý úshin, onyń ishinde ekonomıkanyń basym salalaryn nesıelendirý baǵdarlamasy sheńberinde de sharalar usynylatynyn aıtty.

Qarjy naryǵyn retteý jáne damytý agenttigi qyzmetiniń taǵy bir baǵyty ‒ kepilsiz tutynýshylyq nesıelendirýdiń qarqyndy ósýine jol bermeý.

M. Ábilqasymova eske salyp ketkendeı, bıylǵy 1 qańtardan bastap tutynýshylyq nesıe berýde táýekelderdi shekteý boıynsha zańnama normalary qoldanysqa engizildi.

«Agenttik tutynýshylyq nesıe berýdiń qarqyndy ósýin shekteý úshin qabyldanǵan retteýshi sharalardyń tıimdiligine monıtorıngti jalǵastyrady», — dedi ol. 

Onyń aıtýynsha, Agenttik 2020 jylǵy birinshi jartyjyldyqta halyqtyń borysh júktemesiniń shamadan tys ósýine jol bermeý úshin qosymsha retteýshi sharalardy qabyldaıdy.

«Memleket basshysy búkil qarjy sektoryn keshendi damytý boıynsha qoıǵan jańa mindetterdi eskere otyryp, Agenttik Qarjy sektoryn damytýdyń 2030 jylǵa deıingi tujyrymdamasyn jandandyryp, aǵymdaǵy jylǵy 1 shildege deıin jańa redaksııada qabyldaıdy», — dep M. Ábilqasymova qarjy retteýshisiniń Memleket basshysynyń tapsyrmalaryn iske asyrý sharalary sheńberindegi qyzmetiniń kezekti baǵytyn atap ótti.

Qarjy naryǵyn retteý jáne damytý agenttiginiń tóraǵasy M. Ábilqasymova aıtyp ótkendeı, qarjy qoǵamdastyǵymen birlesip ınvestısııalaýdyń jáne kapıtal tartýdyń qosymsha múmkindikterin jasaý úshin qarjy sektoryn damytý boıynsha keshendi sharalar ázirlenedi.

«Saqtandyrý jáne baǵaly qaǵazdar naryǵy máseleleri boıynsha jańa qarjy quraldaryn retteý men ázirleýdi jetildirý bóliginde qajetti zańnamalyq ózgerister daıyndalady. Tıisti zań jobasyn Úkimetke osy jyldyń sońyna deıin engizý josparlanyp otyr», — dep túıindedi M. Ábilqasymova.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar