Aımaqtar • 29 Qańtar, 2020

Yrǵyn qar yryq berer emes

109 retkórsetildi

Sınoptıkterdiń sózine sensek, Qaraǵandy oblysynyń ortalyǵy men keıbir aýdandarǵa tórt aılyq normaǵa tatıtyn qar jaýǵan. Ony aıtasyz, qardyń ázirge toqtaıtyn túri joq. Aýa raıyn boljaýshylar qańtar aıynyń sońyna deıin qar jaýyp, boran soǵýy yqtımal degendi aıtady...

Shynyn aıtqanda, Qara­ǵandy oblysynda qar arshý isiniń mashaqaty kóbeıip tur. Qardyń munsha kóp túsýi qol­daǵy tehnıka qorynyń jetki­liksiz ekenin kózge shuqyp kór­setti. Oblys ortalyǵy óz aldyna, qalalar men aýdan or­talyqtary, aýyldar, so­dan soń avtomobıl jolda­ry omby qardyń astynda qaldy. Tipti el arasyna «Qaraǵandynyń qar tazalaıtyn tehnıkalaryn astanaǵa alyp ketipti» degen qaýeset te tarap ketken bolatyn. Alaıda muny oblys ákiminiń baspasóz qyzmeti resmı túrde joqqa shyǵardy.

Oblystyq jolaýshylar kó­ligi jáne avtomobıl joldary basqarmasynyń basshysy Áskerbek Haltonovtyń aıtýynsha, óńirdegi joldardyń qaryn  tazalaýmen 52 merdiger uıym aınalysyp júr. Olar­dyń ıeliginde 800 birlik tehnıka bar.

О́kinishke qaraı, kúni-túni eskertkenge qaramastan, adamdar alys saparǵa shyǵýyn toq­tatpaı otyr. Munyń ózi oblys qutqarýshylaryn ábden dińkeletip, ýaqytpen sanaspaı ju­mys isteýge, qutqarý opera­sııalaryn kúni-túni júzege asy­rýǵa májbúr etip otyr. Soń­ǵy táýliktiń ózinde qar qur­saýynda qalyp qoıǵan 300-ge taıaý adam qutqarylyp, qaýip­siz jerge kóshirildi.

Qazirgi tańda alys aýyldar men aýdandarǵa aparatyn joldardyń basym bóligin qar basyp qalǵan. Qoldaǵy teh­nıkanyń bárin salǵanmen, alapat qardyń jeńistik berer túri joq.

Taıaýda qutqarýshylar oblys­taǵy Aqtoǵaı aýdany­nyń Jıdebaı aýyldyq okrý­gine qarasty Sabyrbaı qys­taǵyndaǵy júkti áıelge «Trekel» degen kóliktiń kúshi­men jetip, aıy-kúni jetken kelin­shekti aýrýhanaǵa aman-esen jetkizdi. Mundaı mysaldar kóp-aq.

Jolda qalǵan avto júr­gizýshilerge oblystyq po­lı­sııa qyzmetkerleri zor kó­mek kórsetip júr. О́ńirdegi bar­lyq avtojoldarǵa 27 beket qoıy­lyp, onda 100-den astam tár­tip saqshysy kún demeı, tún demeı kezekshilik etýde.

Oblystaǵy qazirgi jaǵ­daıdyń óte kúrdeli ekenin óńir basshysy Jeńis Qasym­bek te moıyndap otyr. Qar­dan ta­zartý jumystaryn talqy­laǵan apparat keńesinde ol tur­ǵyn­dar tarapynan túsip jatqan sha­ǵymdardyń kóptigin atap ótti.

– Aldaǵy kúnderge degen bol­jam máz emes. Birneshe kún qar jaýyp, boran soǵýy múm­kin degen málimet bar. Sondyqtan respýblıkalyq jáne oblystyq mańyzy bar qalalar men joldarda bilek sybana jumys isteý kerektigin mańyzdy máselelerdiń biri dep sanaımyn. Qar tazalaý týraly kún saıyn selektorlyq rejimde ár ákimdi tyńdaıtyn bolamyn, dedi ol.

Sonymen qatar oblys ákimi qar jınaýǵa jáne shy­ǵarýǵa qosymsha tehnıka tartýdy tapsyrdy. «Ol tehnıka bar ma, bar bolsa ony qaıdan alady?» degen suraqtarǵa jaýapty biz aldaǵy kúnderi alatyn bolamyz.

Qazir qar kúreýden kóz ashpaı júrip, aldaǵy kóktemde bolýy múmkin apatty jaǵdaıdy esten múldem shyǵaryp alǵan­daımyz. Máselen, qalalardan tys­qa taý-taý bolyp shyǵa­rylǵan, kúre joldardyń eki qaptalynda jal-jal bolyp úıilip jatqan qar kúni erteń erigende ne bolmaq? Tap sol kezde qarǵyn sýǵa qarsy tu­rar amal-áreketimiz qaısy? О́kinishke qaraı, ázirge muny oılap bas qatyryp jatqan adam az. О́ıtkeni bar kúsh-qýat tolas­syz jaýǵan qardy kúreýge ju­myldyrylǵan.

 

Qaraǵandy oblysy

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar