Sport • 02 Aqpan, 2020

Frıstaıl-mogýldan álem kýbogi: Galysheva kúmis, Reıhard qola júldeger atandy

56 retkórsetildi

Kanadanyń Kalgarı qalasynda frıstaıl-mogýldan kezekti álem kýbogi aıaqtaldy. Jarys qorytyndysy boıynsha Qazaqstan quramasynyń sportshylary eki medalǵa ıe boldy, dep habarlaıdy Olympic.kz.

2018 jylǵy qysqy Olımpıada oıyndarynyń qola júldegeri Iýlııa Galysheva kúmis júldemen kózge tústi. Qazaqstandyq sportshy birinshi kezeńde úzdik altylyqqa enip, fınalǵa shyqty. Jarystyń sheshýshi kezeńinde 2019 jylǵy álem chempıony 80,69 upaı jınady. Bul onyń ekinshi satyǵa kóterilýine sep boldy. Atalǵan jarysta áıelder arasynda birinshi orynǵa fransııalyq Perrın Laffon (81,22) ıe bolsa, úzdik úshtikti kanadalyq Jıýstın Dıýfor-Lapaýnt (79,94) qorytyndylady. 

О́z kezeginde Dmıtrıı Reıhard birinshi kezeńde besinshi orynnan kórindi. Al fınaldyq kezeńde nátıjesin jaqsartyp, úzdik úshtik qataryna endi Jarys nátıjesi boıynsha Dmıtrıı 84,19 upaı jınap, el qorjynyna qola júldeni saldy. Kanadalyq Mıkael Kıngsberı (89,09) altynnan alqa taqsa, shvesııalyq Ýolter Ýolberg (85,10) kúmiske ıelik etti.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar