Qoǵam • 03 Aqpan, 2020

Barlyq ahýal – baqylaýda

11 retkórsetildi

Bıyl 6 qańtarda elimizdiń Bas sanıtarlyq dárigeri azamattardy álemde taralǵan jańa koronavırýstyq ınfeksııadan qorǵaý úshin sanıtarlyq normalardy kúsheıtýdi jarııalady. Densaýlyq saqtaý mınıstrligi kúndelikti ınfeksııa taralýynyń aldyn alý sharalary týraly qazaqstandyqtardy habardar etýdi qamtamasyz etedi.

Densaýlyq saqtaý mınıs­tri Eljan Birtanovtyń aqpa­raty boıynsha vedomstvoda aqparat jınaý boıynsha jedel shtab qurylǵan.

«Onyń bazasynda ınfek­sııa taralýynyń aldyn alý boıynsha halyqqa táýlik boıy Call-Center jumys is­teıdi. Qosymsha aýrýhana­lar ashylyp, medısına qyz­met­kerleri oqytyldy. Qa­jet­ti dárilik zattar men me­­dı­sınalyq bu­ıymdar qo­ry quryldy. Qa­zaqstanda júr­­­­gizilip jatqan barlyq sha­ra Dúnıejúzilik den­saýlyq saqtaý uıymynyń usy­nystaryna tolyǵymen sáı­kes keledi. Osylaısha eli­­­mizde koronavırýstyq ın­­­­­­fek­sııanyń taralýyna jol bermeý jónindegi is-sha­­­­­ralar jospary ázirlendi. Bar­­lyq memlekettik organ­dy qa­tystyra otyryp, ve­dom­­stvo­aralyq shtab qu­ryl­dy. Be­­kitilgen josparǵa sáıkes Qazaq­stannyń Qy­taı­­men mem­lekettik she­ka­­ra­syn kesip ótý pýnkt­te­­rin­de sanıtarlyq-epı­de­­mıo­­logııalyq baqylaý kú­sheı­­tildi. Búginde medı­sı­­na­­lyq uıymdar alǵash­qy me­dısınalyq-sanıtar­lyq kó­mekpen kelgen aza­mattardyń 80%-yn qamtydy, 66 adam ko­ronavırýstyq ınfeksııaǵa kúdikti vırýsty ınfeksııamen aýrýhanaǵa jat­qyzyldy, onyń 25-iniń jaǵ­daıy jaqsaryp, dıagnozy alynyp tastaldy. 41 naý­­qas dıagnostıkalyq zert­­teý úshin medısınalyq me­ke­­­me­lerdegi tekserilýin jal­­­ǵastyrady. Barlyq pa­sıent­­­terdiń densaýlyǵy tu­­­raqty, em­delýshilerdiń jaǵ­­daıy na­sharlaǵan joq. Bu­dan basqa, koronavırýstyq ınfek­sııaǵa kúdikti pasıenttermen baıla­nysta bolǵan 3 914 adam ba­qy­laýǵa alyndy. Osy adam­dar­­ǵa 14 kún ishinde baqy­laý júr­­giziledi», dedi E.Bir­tanov.

Atalǵan vedomstvo mem­le­kettik shekaradaǵy barlyq ótkizý pýnktinde QHR-men ǵa­na emes, sonymen qatar bar­lyq basqa memlekettermen kú­sheıtilgen sanıtarlyq-ót­kizý baqylaýyn qamtamasyz etedi. Densaýlyq saqtaý mı­nıstrligi Qazaqstan azamattaryna Qytaıǵa, sondaı-aq koronavırýstyq ınfeksııa­ny juqtyrý jaǵdaılary tirkelgen basqa elderge bar­maýǵa keńes beredi.

Aıta ketetin taǵy bir jaıt, Densaýlyq saqtaý mınıs­trliginiń facebook áleýmettik jelisinde jarııalaǵan má­limeti boıynsha QHR men shekaralas memleketterden kelgen azamattarǵa monıtorıng jalǵasýda. Máselen, 2020 jyl­dyń 6 qańtarynan 1 aqpan aralyǵynda elimizge 27 myń 53 adam kelgen.

«Densaýlyq saqtaý mı­nıs­trligi Taýarlar men qyz­metterdiń sapasy men qa­­ýip­sizdigin baqylaý ko­mı­teti­niń sanıtarlyq-karan­tın­dik pýnkt­teriniń mamandary Almaty qalasyndaǵy ha­lyq­aralyq áýejaıda – 20 myń 490 adamdy, temir­ jol vokzaldarynda 399 jo­laýshyny tekserdi. JRVI belgilerimen 78 adam kóp­shilikten oqshaý aýrý­ha­na­ǵa jatqyzyldy, onyń 32-si jazylyp shyqty, qa­zir sta­sıonarlarda medı­sınalyq baqylaýda 46 adam qaldy. Aýrý­hanaǵa jatqyzyl­ǵan­dar­dyń barlyǵynyń sy­na­ma­sy qosymsha baqylaý úshin Almatydaǵy Aıqym­baev atyn­daǵy asa qaýipti juq­­­paly aýrýlardyń ult­tyq ǵylymı ortalyǵyna ji­be­rildi. Bul ortalyq ja­ń­a ko­­ronavırýsty PTR-dıag­nos­­tıkalaý ádistemesin ıgergen. Respýblıkada terapııa úshin qajetti dári-dármek pen me­dısınalyq buıymdar bar, juqpaly aýrýhanalardy oq­shaýlaýǵa arnalǵan boks­tar, arnaıy dárigerlik jáne orta medısınalyq personal daıyndalǵan. Bul jaǵdaı – Densaýlyq saqtaý mınıstrliginiń turaq­ty ba­qylaýynda. Resmı aq­pa­ratty Densaýlyq saqtaý mı­nıstrliginiń saıty men paraq­shasynan oqı alasyz jáne kez kelgen suraq boıynsha táý­lik boıy jumys isteıtin 1406 baılanys-ortalyǵyna qońyraý shalýǵa bolady», de­lingen jazbada.

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Uqsas jańalyqtar