Aımaqtar • 03 Aqpan, 2020

Saýatsyz polısııa hattamany qalaı toltyrady?

646 retkórsetildi

Sońǵy ýaqytta aqparattyq tehnologııalardyń damýy, jańa tehnıkalardyń qoldanysqa enýi polısııa qyzmetkerleriniń de jumysyn jeńildete tústi. Burynǵydaı qalam men qaǵaz alyp hattama jazý azaıǵan. Ornyna saýsaqtyń ushymen-aq qolyndaǵy «Smart» planshet arqyly zań buzýshylyqty tirkep otyr.

 

Alaıda sol «aqyldy» quryl­ǵyny ıkemge keltire almaı, shatasyp jatatyn quqyq qorǵaý salasynyń qyzmetkerleri de joq emes. Tipti kóp bolyp tur. Bul tý­raly qalalyq aqparattyq-kom­mýnıkasııa ortalyǵynda ótken brıfıngte Shym­kent qalasynyń mamandan­dy­rylǵan ákimshilik sotynyń tóraǵasy Ábdi­mútálip Bekturǵanov jiliktep aıtyp berdi.

Mamandandyrylǵan ákim­shi­lik sot tóraǵasynyń aıtýyn­sha, ótken jyly Shymkent qala­synyń ma­mandandyrylǵan ákim­shilik soty quzyrly organ qyz­metkerleri tarapynan ketken qateler úshin 122 ákimshilik is boıynsha jeke qaýly shyǵarǵan. Mine, sol 122 qaýlynyń 90 paıy­zy polısııa ıns­pektorlaryna qatysty. О́ıtkeni shymkenttik po­lısııa ókilderi áli kúnge deıin hat­tamany elektrondy túrde durys toltyrýdy bilmeıtin kóri­nedi.

Ákimshilik hattamany jazý barysynda tártip saqshylary ákim­shilik quqyq buzýshylyq týraly zańnyń baptaryn jazǵanymen, ishki tarmaqtaryn kóbine ashyp jaza bermeıdi. Osylaısha zań tarmaqtarynan shatasyp nemese adamnyń aty-jónin durys kórsetpeıdi eken. Tipti ýchaskelik ınspektor da, jol-patrýldik polısııa qyzmetkeri de elektrondy hattamada óz aty-jónin zorǵa ja­zatyn kórinedi. Ábdimútálip Elik­baıulynyń sózine súıensek, bul olqylyq quqyq buzýshy­lyq­t­y zań turǵysynan durys baǵam­daýǵa keri áserin tıgizip, sal­­darynan sot barysynda ákim­shilik isti qaıta saralaýǵa májbúr etýde.

«Ishki ister vıse-mınıstri Alekseı Kalaıchıdıden kelgen hatta mınıstrlik pen polısııa departamentteri 100 paıyz elektrondy hattamaǵa ótti delingen edi. Sosyn bizge polıseılerdiń ju­mystary elektrondy túrde kele bastady. Baıqaǵanymyz, polı­seıler hattama toltyrýdy bilmeıdi. Famılııasy jazylmaıdy, kimge toltyrǵany belgisiz. Qandaı ákimshilik buzý­shylyq ekendigin jazbaı qoıa salady. Ýchas­kelik ıncpektor da, jol-pat­­rýldik polısııa ınspektor­lary da óz aty-jónin zorǵa ja­zady. Sodan biz semınar ótki­zip, tú­sindirdik. Prokýratýra qyz­met­kerlerine polıseılerge semınar ótkizip, hattamany zań­dyq talap boıynsha toltyrýdy úıretińder dedik. 2 aı ýaqyt ótse de áli de qatelikter ji­be­rip jatyr. Sondaı qatelik ji­ber­genderdiń ústinen biz jeke qaý­lylar shyǵaryp jatyrmyz», deıdi Ábdimútálip Elik­baıuly.

Birinshi kezekte elektrondy formatta resimdelgen hattama, onan túsken aıyppul eń áýeli el qazynasyna quıylary anyq. Al qyzmettegi salǵyrttyq, bilik­ti­­lik­tiń tómendigi saldary­nan is­­­­te­lingen jumys, onan tús­ken qar­­­jynyń jeń ushynan jalǵa­syp, jekeniń qaltasyna ketpesine kim kepil?

Shymkenttiń polısııa qyzmet­ker­leri ústinen túsken aryz-sha­ǵym­dardyń qatary munymen shek­telip qalmaıdy. Jýyrda Sy­baılas jemqorlyqqa qarsy is-qımyl agenttigi taratqan máli­met boıynsha (qańtar aıynda) Shymkent qalasynda jol ere­jesin buzǵan azamattardy ákim­shilik jaýapkershilikke tartpaý úshin 130 myń teńge kóleminde para alǵany úshin qalalyq pa­trýldik polısııa qyzmetiniń po­lısııa leıtenanty kúdikke ilingen.

Halyq polısııaǵa senim artady. Qylmysty ýaqtyly, ádi­­letti túrde asha alady dep úmit­tenedi. Alaıda osy senim men úmit oryndalmaı qalyp ja­tady. Jalpy, Shymqalada ót­ken jyly aýyr jáne asa aýyr qyl­mystar qatary arta túsken. Máselen, 2018 jyldyń 5 aıynda 991 osyndaı qylmys tirkelse, byl­tyr 1086-ǵa kóterilipti. Onyń ishinde kisi óltirý qylmysy 54-ten 65-ke ósken. Esirtkige qa­tysty qyl­­mys­tar da 235-ten 249-ǵa kóbeı­gen.

Al salalyq mınıstrlik «Sıfr­­ly Qazaqstan» memlekettik baǵ­­dar­lamasy aıasynda polısııa qyz­metkerleriniń jumysy tolyq­taı elektrondy formatqa kóship, jumys ónimdiligi artty. Túrli zań buzýshylyqtyń aldyn alý kór­setkishi kóterildi dep otyr... Qandaı derekke súıenip aıtqany túsiniksiz?..

 

Shymkent

 

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar