Aımaqtar • 03 Aqpan, 2020

Túrkistan: «Qamqorlyq» baǵdarlamasy aıasynda eki otbasy baspanaly boldy

45 retkórsetildi

Jýyrda Túrkistan oblysynyń ákimi О́mirzaq Shókeev «Qamqorlyq» baǵdarlamasyn usynǵany belgili. Baǵdarlamanyń maqsaty – óńirdegi turmys deńgeıi, áleýmettik jaǵdaıy óte tómen otbasylardy anyqtap, olarǵa turaqty kómek kórsetý. Bul aýqymdy mindetti oblys ákimdigine, oblystyq Jumyspen qamtýdy úılestirý jáne áleýmettik baǵdarlamalar basqarmasyna, aýdan, qala ákimdikterine jáne Nur Otan partııasynyń Túrkistan oblystyq fılıalyna birlesip atqarýdy tapsyrdy. Bastama jurtshylyq tarapynan úlken qoldaýǵa ıe boldy. Bul týraly Túrkistan oblysy ákimdiginiń baspasóz qyzmeti habarlady.

Baǵdarlama jarııalanǵan alǵashqy aptanyń ózinde 476 otbasyǵa azyq-túlik, kıim-keshek jáne qatty otynmen kómek kórsetile bastady. Alǵashqy kezeńde jalpy 1600-den astam otbasy tizimge enip, 1,6 mlrd teńge bólinedi dep mejelengen. Nur Otan partııasy Túrkistan oblystyq fılıaly men aýdan, qalalardaǵy fılıaldary da úılestirýshi retinde serpindi jumysqa kirisip ketti. Partııa ókilderi Kentaý, Qazyǵurt, Saryaǵash, Saıram, Jetisaı, Keles, Ordabasy, Tóle bı jáne ózge de aýdandardaǵy áleýmettik jaǵdaıy tómen otbasylarǵa baryp, azyq-túlik jáne ózge de kómekterin usyndy. Al qańtar aıynyń sońynda Otyrar aýdany, Kóksaraı aýylynda erekshe oqıǵa boldy. «Nur Otan» partııasy bastaýysh partııa uıymynyń bastamasymen aýdannyń jomart ta meıirimdi Moldaly Altaı men Qýandyq Shalqar syndy azamattary áleýmettik jaǵynan az qamtamasyz etilgen kópbalaly 2 otbasyǵa turǵyn úı satyp áperip, otbasy múshelerin aıryqsha qýanyshqa keneltti.

Oblys ákimi О́.Shókeevtiń bastamasymen ótip jatqan «Qamqorlyq» baǵdarlamasyna qyzý qoldaý kórsetken azamattarǵa turǵyndar rızashylyǵyn bildirdi. Baspanaly bolǵan otbasylardyń qýanyshyn bólisýge aýdan ákimi Á.Júnisov pen partııanyń aýdandyq partııa fılıalynyń ókilderi arnaıy kelip, baǵaly syılyqtaryn tabys etti. Aýdan ákimi otanshyl kásipkerlerge alǵysyn bildirip, ózge azamattardy da izgi iske shaqyrdy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar