Sýretti túsirgen Erlan OMAR, «Egemen Qazaqstan»
Sınoptıkterdiń habarlaýynsha, Qazaqstanǵa jyljyp kele jatqan ońtústik sıklon men atmosferalyq fronttardyń áserinen kóptegen oblysta qaıtadan jaýyn-shashyn, jylbysqy qar jaýady. Soltústik, ortalyq jáne shyǵys oblystarda qar jaýyp, boran soǵady. Kúshti ekpindi jel turyp, kóktaıǵaq bolady. Jyly aýa massalarynan ońtústik pen batysta aýa temperatýrasy aıtarlyqtaı joǵarylaıdy.
- Aldaǵy táýlikterde temperatýranyń jylymyqqa deıin kóterilýi Qazaqstannyń qalǵan aımaqtarynda da bastalady. Soltústik, ortalyq jáne shyǵys oblystarda kúndizgi temperatýra mınýs 5 - plıýs 5°S deıin, ońtústik jáne batysta plıýs 3…8°S bolady. Qıyr ońtústikte plıýs 15°S deıin boljanyp, ortasha kópjyldyq mánnen 5…14°S-qa joǵary bolady, - delingen habarlamada.
