Ádebıet • 03 Aqpan, 2020

Elordada «Kitap oqyp, rýhanı baı bol!» baıqaýy aıaqtaldy

34 retkórsetildi

Nur-Sultan qalasy boıynsha «Rýhanı jańǵyrý» jobalyq keńsesi Abaı Qunanbaıulynyń 175 jyldyq mereıtoıyn toılaý aıasynda «Kitap oqyp, rýhanı baı bol!» qalalyq baıqaýyn  ótkizdi. Bul týraly qala ákimdiginiń baspasóz qyzmeti habarlady.

«Kitap oqyp, rýhanı baı bol» – respýblıka kóleminde ótkizilip jatqan aýqymdy jobalardyń biri. Baıqaý maqsaty –  halyqtyń ár túrli sanatyn qamtý arqyly halyqtyń kitapqa degen qumarlyǵyn arttyrý.

Abaı shyǵarmashylyǵyn nasıhattaýǵa baǵyttalǵan joba eki kezeńnen turdy. Baıqaýdyń I kezeńinde kitapsúıer qaýym jeltoqsan-qańtar aılary aralyǵynda ózderiniń súıikti shyǵarmalarynan úzindiler oqyp, ony áleýmettik jelilerge júktedi. Ádilqazylar sheshimimen 30 qatysýshydan úzdik shyqqan10 adam II kezeńge joldama aldy. 

Joldama alǵandardyń ishinde mektep oqýshylary, JOO stýdentteri men zeınetkerler de bar. Kelesi kezeńde baıqaý qatysýshylary Abaı Qunanbaıulynyń  ómiri men shyǵarmashylyǵyna qatysty vıktorınada baq synasty. 30-ǵa jýyq qatysýshy ishinen  elordalyq №40 mektep-gımnazııasynyń oqýshysy Dınara Toıǵanbek I oryndy ıelenip, júzden júırik shyqty. Al II oryndy №63 mektep-gımnazııasynyń oqýshysy Janar Kúnekeı, III oryndy Nazarbaev ýnıversıtetiniń stýdenti Aqsultan Aıtqojın ıelendi. 

Qatysýshylardy abaıtanýshy, professor Gúlnar Muratova, «Rýhanı jańǵyrý» bilim ortalyǵynyń basshysy Aıshat Jýasbaı, Nur-Sultan qalasy boıynsha «Rýhanı jańǵyrý» jobalyq keńsesiniń dırektor orynbasary Jazıra Boltaeva, Halyqaralyq «Shabyt» festıvaliniń laýreaty Álimjan Álisheruly  baǵalap, olardy arnaıy syılyqpen marapattady.

«Abaı – ulttyń pasporty. Onyń aıtqan sózderi áli kúnge deıin ózektiligin joǵaltqan joq. Prezıdent Qasym-Jomart Toqaevtyń «Abaı jáne HHI ǵasyrdaǵy Qazaqstan» maqalasynda uly oıshyldyń shyǵarmalary árdaıym zertteýdi qajet etetindigin atap ótti. Bilim, óner, mýzyka ultqa bólinbeıdi. Abaı álem alyptarymen qatar turatyn tulǵa, demek sizder álemdik deńgeıdegi tulǵany oqyp jatyrsyzdar», - dedi L.Gýmılev atyndaǵy Eýrazııalyq Ulttyq ýnıversıtetiniń professory, fılologııa ǵylymdarynyń doktory Gúlnar Muratova.



Sońǵy jańalyqtar

Jańa apparattar ókpeni tazartýda

Aımaqtar • Búgin, 15:57

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Uqsas jańalyqtar