Aımaqtar • 03 Aqpan, 2020

Jambyl oblysynda birqatar másele sheshimin tabady

166 retkórsetildi

Jambyl oblysynyń ákimi Asqar Myrzahmetov Taraz qalasyn aralap, birqatar máseleni sheshýdi tapsyrdy.

Ákim áýeli «Taraz sý» memlekettik kommýnaldyq kásipornynda bolyp, mekemeniń aldaǵy josparlarymen tanysty. Kezdesý barysynda atalǵan kásiporyn dırektory Marat Smaılov Asqar Myrzahmetovke birqatar máseleniń bar ekenin aıtty. Bul oraıda ákim búgingi kúnniń talaby – qalanyń sý-káriz júıelerin jamap-jasqaý emes ekendigin aıta kelip, salaǵa taldaý jumystaryn júrgizý arqyly bir júıege keltirý qajettigin jetkizdi.

Bul baǵytta birinshi kezekte Taraz qalalyq turǵyn úı-kommýnaldyq sharýashylyq bóliminiń atalǵan salaǵa qatysty josparyn bekitip, máselelerdiń sheshimin tabý kerektigin basa aıtty. Bul jospardy arnaıy jıynda qaraıtyndyǵyn da málimdedi. Sondaı-aq Asqar Myrzahmetov oblys eldi mekenderindegi aýyzsý máselesin sheshý maqsatynda jańadan qurylǵan biryńǵaı operatordyń da isin júıege keltirýdi tapsyrdy. Budan ózge sala mamandaryna mekemeniń aýdandardaǵy bólimshe qyzmetkerleriniń biliktiligin saralap, kadr máselesin de tıimdi sheshý qajettigi aıtyldy.

1

Sonymen qatar Asqar Myrzahmetov A.Aqqozıev kóshesinde ornalasqan «Sańyraýlardyń qazaq qoǵamy» qoǵamdyq birlestiginiń «Taraz oqý-óndiristik kásiporny» mekemesinde de bolyp, jumysymen tanysty. Búginde tósek jabdyqtary men arnaıy jumysshylarǵa arnalǵan kıimder tigýmen aınalysatyn kásiporynnyń sheshilmeı turǵan máselesi – óndiriletin ónimderge tapsyrys alý eken. Kóterilgen másele boıynsha ákim jaýapty tulǵalarǵa óńirdegi mekemelerdiń memlekettik tapsyrysyn júıege keltirýdi tapsyrdy.

2

Budan keıin Asqar Myrzahmetov «Asar» Jambyl oblysy múgedekter uıymdarynyń odaǵy» zańdy tulǵalar birlestigine de bardy. Birlestik jetekshileriniń máselesin bilgen ákim Taraz qalasyndaǵy «Mamyr» saıabaǵynyń aýmaǵynda ornalasqan ǵımarattardyń jaqyn arada jóndeletinin jetkizdi. О́z sózinde ákim birlestik basshylaryna josparlaryn daıyndaý kerektigin aıtty. Sondaı-aq qalanyń avtobeket aýmaǵyndaǵy Talas ózeniniń boıynda ornalasqan kópirge tehnıkalyq tekseris jumystaryn da kórdi. Keıinnen Asqar Myrzahmetov jaýapty tulǵalarǵa atalǵan jumystyń sapaly jáne ýaqytynda oryndalýy boıynsha tıisti tapsyrmalar berdi.  

 

Jambyl oblysy      

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar