Qazaqstan • 04 Aqpan, 2020

Qytaımen shekara jabyldy

103 retkórsetildi

Qazaqstannyń bas sanıtarlyq dárigeri Jandarbek Bekshın halyqqa sanıtarlyq-epıdemıologııalyq jaǵdaı men Qazaqstanda koronavırýstyq ınfeksııanyń taralýyn boldyrmaý boıynsha qabyldanǵan sharalar týraly aqparat berdi.

Jıyn barysynda ol 3 aq­pannan bastap Qytaımen shekara is júzinde jabylǵanyn málimdedi.

«Búgin sońǵy ushaqtar bizdiń aza­mattarymyzdy ákeledi. Er­teń­nen bastap tikeleı áýe qyz­meti toqtaıdy. Al avtobýs jáne poıyz qozǵalysy toqtatyl­ǵa­ny­na biraz ýaqyt boldy. Qytaımen shekaradan tek resmı delegasııadaǵy sheneýnikter ótedi. Sondaı-aq júk tasymaly ótkiziledi. Olar eki el úkimetiniń de jylý túsirgishterine skaner­lenedi. Respýblıkalyq shtab­tyń sheshimine sáıkes bul kún­deri Qazaqstannyń barlyq shekara­lyq beketterinde qolmen jylyt­qysh­tarmen úzdiksiz baqylaý ornatyp jatyrmyz. Taǵy qaıta­lap aıtaıyn, 6 qańtarda BAQ-qa jańa belgisiz aýrý týraly málimdeme jasadyq. Sol kún­nen bastap Qytaıdan kelgen bar­lyq jolaýshylarǵa qosymsha baqy­laý júrgize bastadyq. Biz 2017 jyldan beri barlyq halyq­ara­lyq reısterden kelgen jolaýshylardy stasıonarlyq jylý túsirýshimen baqylaýdy turaqty túrde júrgizip kelemiz. Úkimet janyndaǵy el terrıtorııasynda koronavırýs ınfeksııasyn týdyrmaý jáne taratýǵa jol bermeý jónindegi Vedomstvoaralyq komıssııanyń basshysy Berdibek Saparbaevtyń tapsyrmasy bo­ıynsha ótken aptada Qazaqstan – Qytaı shekarasyndaǵy 8 kedendik bekette sanıtarlyq ba­­qy­laý júıesi qosymsha tek­se­ril­di. Maska óndirýshiler to­­lyq qýatpen jumys istep ja­tyr. Úkimet koronavırýsqa qatys­­ty túrli satyp alýlarǵa 1,5 mıl­­lıard teńge qarjy bóldi. Qa­jet bolǵan jaǵdaıda kez kelgen mól­sherde maska satyp ala ala­myz», dedi Bas sanıtarlyq dáriger.

Qytaıdan 6 qańtardan bas­tap kelgenderge monıtorıng jalǵasýda. Olardyń 90 paıyzy baqylaýǵa alynǵan. Dálirek aıtsaq, 89 adam dene qyzýy men JRVI shaǵymymen oqshaýlanǵan aýrýhanaǵa jatqyzylǵan. Qazir 46 adam aýrýhanada qalyp, 43 adam stasıonardan shyǵarylǵan. Barlyq aýrýhanadan alynǵan synamalar qosymsha baqylaý úshin Almatydaǵy Ulttyq ǵy­ly­mı erekshe juqpaly aýrý­lar ortalyǵyna jiberilgen. Sebebi bul ortalyq jańa koronavı­rýs­ty PSR dıagnostıkalaý ádis­temesin ıgergen.

Sonymen qatar Jandar­bek Bekshın keshe túske deıin vı­rýs­ty juqtyrǵandardyń sany – 17 459 adam, qaıtys bolǵandar sany – 362 adam, tolyq jazy­lyp shyqqandar sany 483 adam bol­ǵanyn, aýrýdyń oshaǵy bolǵan Hýbeı provınsııasynda 96 pa­ıyz adam ólimi tirkelgenin tilge tıek etip, álemde aýrý juqtyr­ǵandardyń 98,9 paıyzy Qytaı turǵyndary ekenin atap ótti.

«Budan 3 qorytyndy jasaýǵa bolady. Birinshiden, ınfek­sııa­nyń taralýy jalǵasýda, biraq eń aldymen Hýbeı provın­sııa­synda, ásirese Ýhan qala­synda, ekinshiden, osy demalys kúnderi tolyq jazylǵandar sany qaıtys bolǵandardyń sa­ny­­­nan asyp tústi. Bul bizdi qýan­tady. Úshinshiden, Dúnıe­júzilik densaýlyq saqtaý uıy­my málimdegendeı, Qytaı úki­­meti epıdemııany negizgi aı­maq­ta oqshaýlaı bildi. Eger siz shet­elden kelgen bolsańyz, den­saý­­lyǵyńyzǵa kishkene kúdik bol­­ǵannyń ózinde birden 1406 baı­lanys ortalyǵyna qońyraý shalyńyz. Medısınalyq mekemelerge kezdeısoq barmańyz. Potensıaldy pasıenttermen jumys isteý algorıtmi bar. Sondyqtan erejelerdi qatań saqtańyz. Shetelden kelgen boıda dene qyzýyńyzdyń baryn baıqadyńyz ba? Bul týraly áleýmettik jelilerde jazý­dyń qajeti joq. Emhana bit­kendi sharlap sharshamańyz. Bir­den 1406 nómirine qońyraý shaly­ńyz», dedi ol.

О́tkende Qazaqstan aza­mat­­­tary­nyń densaý­lyq qaýip­siz­­digin qamtamasyz etý maq­satynda Densaýlyq saqtaý mı­nıstrliginiń Ulttyq shu­ǵyl medısına úılestirý orta­lyǵy elimizge QHR Ýhan qalasynda júrgen 83 qazaq­standyqty, onyń ishinde 80 stýdentti jetkiz­gen bolatyn.

«Evakýasııalanǵandar sany – 89 adam. Onyń 83-i Qazaqstan azamaty, onyń ishinde 80 stýdent. Sondaı-aq 5 Belarýs jáne 1 Armenııa azamaty bar. 18 Qyr­ǵyzstan azamaty sol jerde birden eline ushyp ketti. Olardyń barlyǵynan synama alyndy. Jaǵdaılary qana­ǵat­tanarlyq. Dene qyzýy qalyp­ty. Shaǵym joq. Kelgen­derdiń eshqaısysynda koronavırýs baıqalmaıdy. Soǵan qara­mastan, olardyń bári 14 kún karantınde bolady. Biz Dúnıe­júzilik densaýlyq saqtaý uıymynyń 2015 jyldan bastap belgili bolǵan koronavırýstyq ınfek­sııalarǵa qatysty usy­nys­taryn jaqsy bilemiz. Dúnıe­júzilik densaýlyq saqtaý uıymy usyn­ǵan barlyq dári-dármek Qazaq­­standa bar. Atalǵan uıym­nyń usynymdary men qytaılyq áriptesterimizdiń aqparat­taryn eskere otyryp, jańa koro­na­vı­rýstyq ınfeksııanyń aldyn alý, dıagnostıkalaý jáne emdeý bo­ıyn­sha usynystar daıyndaı­ty­nymyzdy habarlaımyz. Son­daı-aq biz basqa elderdiń usy­nys­taryn da baqylap, zert­­teı­miz. Mysaly, jaqynda Reseı Fe­de­rasııasy Densaýlyq saq­taý mı­nıstrliginiń ýaqytsha usy­nys­­tary jóninde qujat paıda bol­dy. Bul da – bizdiń nazarymyzda», dedi J.Bekshın.

Sóz sońynda ol azamattarǵa resmı aqparattarǵa ǵana súıenip, jalǵan habar taratýdan aýlaq bolýǵa shaqyrdy.

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar