Abaı • 04 Aqpan, 2020

Abaıtaný olımpıadasy shákirtterdiń júregine sham jaqty

97 retkórsetildi

El Prezıdentiniń Abaı Qunanbaıulynyń 175 jyldyq mereıtoıyn joǵary deńgeıde merekeleý týraly Jarlyǵyna sáıkes ulttyń ulylyǵyn ulyqtaǵan dana Abaıdyń shyǵarmashylyq murasyn búgingi kún tur­ǵysynan jańasha damytyp, bolashaqqa saf altyndaı qundy kúıinde jetkizýdi maqsat-muraty etip ustanǵan II respýblıkalyq «Abaıtaný» olımpıadasy jýyrda oblystyq kezeńniń jeńimpazdary atanǵan qazaq tilinde jalpy bilim beretin uıymdardyń 9-11 synyp oqýshylary arasynda ótti.

Olımpıadaǵa barlyq óńir men respýblıkalyq bilim berý uıymdary boıynsha jalpy sa­ny 122 oqýshy qatysty. Uly aqyn­nyń baı murasyn jas urpaq sanasyna tereń ári jan-jaqty sińirip, ónege men tárbıeniń al­tyn qazyǵyna aınaldyrýdy kózdegen olımpıadanyń ne­­­gizgi maqsaty M.Áýezovtiń «Abaı joly» roman-epopeıa­syn tolyq meńgerý arqyly ke­­­meń­gerdiń aqyndyq bolmy­syna úńilýge, Abaıdyń shyǵar­ma­shy­­lyq ómi­rinen ǵıbrat alyp, ómirde qol­dana alýǵa jol sil­teý zııatkerlik jáne shy­ǵar­­ma­shy­lyq qabiletterin da­mytýǵa baǵyttalǵan.

Olımpıadanyń negizgi min­deti – Abaı óleńderiniń mán-ma­ńyzy men qadir-qasıe­tin túsinýge beıimdeý, hakim qara sózderiniń tárbıelik-taǵylymdyq mańyzyn meńgerý, Abaısha oılaýǵa um­tylý, sóıleý mádenıetin úıre­nýge, til tazalyǵyn saqtaýǵa daǵ­dylaný jáne kúndelikti ómirde qoldaný.

Olımpıada eki aınalymda ótti. Birinshi aınalymda qa­tysýshy Abaı qara sózderi men poezııasy negizinde daıyndalǵan taqyryptardyń birine esse jazsa, ekinshi aınalymda qatysýshy M.Áýezovtiń «Abaı joly» romanynan berilgen úzindiniń qaı taraý, bólimnen alynǵanyn aıtyp, mazmunyn jalǵastyrdy jáne roman mazmunynan «sokrattyq» suraqtar berilip, logıkalyq deń­geıi tekserildi. Sondaı-aq Abaı shyǵarmashylyǵy boıynsha da­ıyndalǵan tapsyrmalarǵa jaýap berdi. Onyń ishinde óleń­niń adam ómirindegi ornyn, aqyn­nyń shyǵarmashylyqtaǵy maqsatyn Abaı óleńderimen dáleldedi. Al Abaı poezııasyn qalaı meńgergenin baıqaý ba­­­rysynda aqyn óleńderiniń qurylysyndaǵy erekshelikterdi anyqtap, qazaq poezııasyna qosqan jańalyǵyn dáleldedi. Sonymen birge Abaı ilimine oqýshy óz kózqarasyn bildirdi. Mysaly, Abaı aıtqan «bes asyl istiń» búgingi ózektiligi týra­ly, hakimniń halqyna qan­daı jol usynǵany týraly óz oı-pikirlerin aıtty. Jáne abaı­tanýshylar jaıly jalpy bili­min kórsetip, «Abaı joly» ro­­manynan alynǵan sóılemge keshendi taldaý jasaý arqyly grammatıkalyq saýattylyǵyn kórsetti.

Is-sharanyń ashylý saltanatynda Abaı atyndaǵy res­pýblıkalyq mektep-ınternat dırektory R.Seksenova II res­pýb­lıkalyq Abaıtaný olım­­­pıadasynyń bastalýy­men qatysýshylardy qut­tyq­­tap, olarǵa aq jol tile­di. Baı­qaýǵa «Da­ryn» respýb­lı­kalyq ǵy­lymı praktıkalyq ortalyǵynan kelgen Gajdem­bek Tursynov tór­­aǵalyq etti. Oqýshylar bilim saıysyna qatysyp jatqanda mektep us­tazdary, «Úzdik pedagog-2019» respýblıkalyq baı­qaýynyń jeńimpazdary Janar Abıtova jáne Dınara Orynbaeva qaty­sýshylardyń jetekshilerine «Abaı shy­ǵar­malary arqyly oqý­shy­lardyń fýnksıonaldyq saýat­tylyǵyn qalyptastyrý» atty koýchıng-semınar ótkizip, arnaıy sertıfıkat berildi. So­nymen qatar Nazarbaev zııat­kerlik mektebiniń sarapshy-mu­ǵalimi N.Nurǵalıev jańar­tyl­­ǵan baǵdarlama aıasynda «For­­matıvti baǵalaý» taqy­ry­bynda kvest-semınar ótkizdi. Keshke bilim saıysynyń qatysý­shy­lary men jetekshileri M.Áýe­zov atyndaǵy drama tea­tryna «Olja» premerasyn tama­­sha­laýǵa bardy. Sondaı-aq mek­tep-ınternattyń Abaıtaný ból­­mesinde «Abaı murasy» kór­mesi uıymdastyryldy.

Osy ispetti mazmundy is-sharalarymen erekshelengen olımpıadanyń qorytyndysy boıynsha baǵyn synaǵan 122 oqýshynyń ishinen 63 qatysýshy júldeli oryn ıelendi. I oryn ıegerlerine syılyqqa planshet, II oryn ıegerlerine Smart saǵat jáne III oryn ıe­ger­lerine dybys ulǵaıtqysh berildi. II respýblıkalyq Abaı­taný olımpıadasynda erekshe belsendilik tanytqan qatysý­shylarǵa alǵys hat, gramota jáne kitaptar ta­bystaldy. Olımpıa­danyń ót­kizilýine demeýshilik kórsetken Qanat Boranqulov, Amanjol Rysmendıev mektep tú­lekteri ekenin aıta ketken lázim.

Respýblıka kóleminde ót­ken bilim jarysynyń qatysý­shy­lary olımpıada bary­synda uly aqynnyń mol mura­symen sýsyndap, Abaı qara sózderiniń tárbıelik-taǵy­lym­­dyq mańyzyn meń­gerip, Abaı murasyn nasıhat­taýǵa óz úles­terin qosqandaryna rıza­shy­lyǵyn bildirip qaıtty.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar