Aımaqtar • 04 Aqpan, 2020

Apatty mektepterge mán berilse...

31 retkórsetildi

Qazirgi kezde bilim salasyna degen qamqorlyq ta jeterlik, soǵan oraı talap ta joǵary. Elimizde zamanaýı talapqa saı salynǵan bilim oshaqtarynda myńdaǵan shákirt tálim alýda. Alaıda shalǵaı aýdan, aýyldy jerlerdegi mektep máselesi áli kúnge deıin ózekti qalpynda qalyp keledi. Sol sebepti apatty jaǵdaıdaǵy mektepterdi jáne úsh aýysymdy oqytýdy joıý Jambyl oblysynyń kún tártibindegi másele.

Osy ýaqytqa deıin de óńirdegi apatty jaǵdaıdaǵy mektepter máselesi kún tártibine kóterilip, nátıjesinde birqatar bilim oshaǵy boı kóterdi. Keıbirine kúrdeli jóndeý júrgizildi. Deı­turǵanmen, Áýlıeata óńirinde apatty jaǵdaıdaǵy mekteptiń máselesi tolyǵymen sheshile qoı­ǵan joq. Qordaı aýdanynyń Kúnbatys aýylyndaǵy №11 negizgi orta mektep, Shý aýdany, Alǵa aýylyndaǵy Amangeldi orta mektebi men Birlikústem aýy­lyndaǵy Domalaq ana orta mektepteri áli kúnge deıin apatty jaǵdaıda tur. Atalǵan eki aýdan da Jambyl oblysynan shalǵaıda ornalasqan. Máselen, Alǵa aýylyndaǵy Amangeldi atyndaǵy orta mektep 1961 jyly salynǵan. Salynǵanyna alpys jylǵa jýyq ýaqyt ótken bilim oshaǵynyń qabyrǵalary bul kúnde jarylyp ta ketipti. Mektep dırektory Dana Tileýjanovanyń aıtýynsha, búgingi tańda bul mektep balalardyń alańsyz bilim alýyna qıyndyq týdyryp otyr. Eki qabatty mektepte 324 oqýshy oqıdy. Mektepke japsarlas qazandyqpen ot jaǵylady eken. Dırektor óz sózinde bul másele erte­rek sheshimin tapsa eken degen tilegin jetkizdi.

Jambyl oblystyq bilim bas­qarmasy basshysynyń min­detin atqarýshy Jámıla Bekba­tyrovanyń aıtýynsha, qazirgi tańda óńirdegi atalǵan 3 apatty mek­teptiń máselesi aǵymdaǵy jy­ly tolyǵymen sheshiledi. Bul úshin atalǵan 3 mekteptiń qurylysyna tıisti qarajat ta qarastyrylǵan eken. Endi bıylǵy jańa oqý jylynda atalǵan bilim nysandary paıdalanýǵa beriledi dep josparlanýda. Sonymen qatar Jámıla Bekbatyrova óz sózinde ótken jyly óńirdegi úsh aýysymdy mektepterdiń má­selesi tolyǵymen sheshilgenin aıtty. Degenmen óńirdegi demo­grafııalyq ósimge baılanysty aǵymdaǵy jyly 9 úsh aýysymdy mektep te anyqtalyp otyr. «Aldaǵy úsh jyl merzimde bul másele de kezeń-kezeńimen she­shimin tabatyn bolady», deıdi oblystyq bilim basqarmasy bas­shysynyń mindetin atqarýshy.

Sonymen qatar búgingi kúr­deli máselelerdiń biri – bilim oshaqtary ájethanalarynyń syrt­ta ornalasqany bolyp otyr. Bul da nazarǵa alynýy tıis má­seleniń biri deýge bolady. Má­selen, byltyr Taraz qala­syn­daǵy №6 mektepte bolǵan jantúr­shigerlik oqıǵadan keıin munyń mańyzdylyǵy tipten arta tústi. Bul másele qoǵamda da úlken dúmpý týǵyzdy. Iаǵnı, ájethananyń mektep ishinde bolýy oqýshynyń qaýipsizdigin qorǵaýda aıryqsha ról atqara­dy. Bilim basqarmasynyń má­li­metinshe, búginde oblys aýma­ǵyndaǵy mektepterdegi ájet­hanalardyń máselesi de nazarǵa alynýda. Alaıda óńirdegi 442 mekteptiń 278-iniń ájethanasy syrtta ornalasqan bolyp shyqty. Já­mılá Bekbatyrovanyń aıtýynsha, bul taldaý nátıjesinde anyqtalǵan. «Endi atalǵan túıin­di máselelerdi sheshý boıynsha tıisti sharalar qolǵa alynýda», deıdi ol. Atap aıtsaq, onyń 13-i jańa mektep qurylysy esebinen atqarylsa, 10-y kúrdeli jóndeý, 67-si japsarlas ǵımarattar salý, al 174-i aǵymdaǵy jóndeý ju­mystary arqyly júzege asady.

Jambyl oblysynyń ákimi Asqar Myrzahmetov te apatty jaǵdaıdaǵy mektepter men úsh aýysymdy oqytýǵa oraı ótken jıynda atalǵan máselelerdiń ózektiligine aıryqsha kóńil bólip, ony sheshý jumystaryn ýaqyt soz­baı qolǵa alýdy aıtqan. Sonymen qatar oqý nysandarynyń ishinde ornalasqan ájethanalardyń barlyǵy tıisinshe jumys isteý kerektigin de eskertken bolatyn. Sonymen qatar ákim jańadan salynatyn nysandardyń bir tıpte bolýyna kóńil bólip, bul oraıda mekteptegi oqýshylar sanyn eskerýdiń de mańyzdylyǵyn ba­sa aıtqan edi. Sondaı-aq bul baǵytta aǵymdaǵy jóndeý ju­mystaryna 634 mıllıon teńge jos­parlanǵan. Endi bul kólemdi qa­rajatty arnaıy bekitilgen reg­lament aıasynda ońtaılandyrý máselesi de ózekti.

Apatty mektepterdiń jaıy burynnan kele jatqan másele. Árıne, bir mezgilde munyń bárin túgendeý, barlyǵyna birdeı jón­deý jumystaryn júrgizý nemese jańa mektep salý múm­kin emes. Desek te, aldaǵy ýaqyt­tar­da Jambyl óńirindegi apatty jaǵdaıdaǵy mektepter men úsh aýy­symdy oqytý kezeń-keze­ńimen bolsa da júzege asyp jatsa, bul da balalardyń bolashaǵyna jasal­ǵan ońdy qadamnyń biri bolar edi...

 

Jambyl oblysy

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar