Atalǵan mýltfılm oqıǵasy Saryshunaq beınesindegi qarapaıym bir adamnyń jumys barysyndaǵy kádimgi qaǵazbastylyqpen betpe-bet kezdesýimen bastalady.
Saryshunaq-keıipker balalarynyń armanyn júzege asyrý jolynda túrli kedergilerge tap bolady. Oqıǵa jelisinde qoldan jasalǵan tosqaýyldar, qaǵazbastylyq, sheneýnikterdiń áreketteri kórsetiledi.
Sybaılas jemqorlyqqa qarsy kúres departamenti janyndaǵy «Ertis – adaldyq alańy» jobalyq keńsesiniń jetekshisi Rızabek Isabekovtiń aıtýynsha, ótken jyly alań turmystyq sybaılas jemqorlyq deńgeıin tómendetýge jáne óńir turǵyndarynyń osy qoǵamdyq keselge qarsy pikirlerin qalyptastyrýǵa baǵyttalǵan túrli jobalardy júzege asyrǵan.
– Al mýltfılm qurastyrý – jobalyq ofıstiń ıdeıasy. Birlesken jumystyń barysynda stýdentter ózderiniń shyǵarmashylyq qabiletterin kórsetti. Biz ssenarııdi jazyp shyqtyq. Ári qaraı jastar jumys istedi, – deıdi ol.
Qazir anımasııalyq fılmniń alǵashqy bólimin áleýmettik jeliler men YouTube arqyly kórermender kórip úlgerdi.
Mýltfılm birneshe bólimnen turady. Saryshunaq keıipker bolsa, balalary úshin átkenshek ornatqysy keledi. Mýltfılmniń «Arman átkenshekteri» dep atalýy da osydan.
– Endi jalǵasyn kútińizder! Ári qaraı Saryshunaq beınesindegi álgi adamnyń ómirinde qandaı qıyndyqtar bolatynyn kóresizder, – deıdi fılmdi jasaýshylar.
Pavlodar oblysy
