Aımaqtar • 04 Aqpan, 2020

Almaty koronavırýstan qalaı qorǵanady?

109 retkórsetildi

Almaty resmı aqparattyń jetkilikti bolýy úshin múmkindiktiń  bárin jumyldyryp jatyr. Kórshi el Qytaıdan tarap jatqan koronavırýstyń aınalasynda aqparattyq teketires «túıeni jel shaıqasa, eshkini aspannan izde» degen eskiden kele jatqan esti sózdi eske túsire bastady.

Almaty men Nur-Sultanda qaýesetten jeńilip qalǵan aqparatty ortalyqtan shalǵaı aımaqtarda «aspannan» izdeýge týra keletinin kórip júrmiz. Sol sebepti Almaty ákimdiginiń kórshi elden tarap jatqan aty jaman tumaýdan qalaı qorǵanyp jatqany týraly aqparattar táýlik saıyn jańartylyp berýge kiristi. Ázirge Almaty ákimdigi taratyp jatqan aqparattardyń jel sózben salystyrǵanda bási basym bolyp, qaýesettiń aldyn alyp jatyr. Sózimiz dáleldi bolýy úshin basynan bastaıyq. Qytaımen áýe qatynasy toqtatyldy. Koronavırýs aýrýy tirkelgen elderden kelgen barlyq jolaýshylar úshin dárigerler medısınalyq anyqtama jınaıdy.  Emhanalarda ızolıatorlar ashyldy. 

Birneshe ondaǵan adam temperatýraǵa jáne jedel respıratorly vırýstyq ınfeksııalarǵa shaǵymdanyp, aýrýhanaǵa tústi. Biraq koronavırýsty  eshkim rastaǵan joq. Biraq álemdik BAQ úshin bul  bási basym trend taqyryp.

Almaty qalasyndaǵy Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasımova 30 qańtar kúni jýrnalıstermen kezdesken kezde   qalada jaǵdaı turaqty ekenin, qaýesetterge boı aldyrmaı,  resmı organdardyń aqparatyna nazar aýdarý qajettigin aıtty. «Halyqty durys aqparatpen qamtamasyz ete almasa, ózderine syn ekenin jetkizdi. 

Al 1 qańtar kúni atalmysh departamenttiń baspasóz bóliminen sanıtarlyq-karantındik baqylaý úshin Almaty halyqaralyq áýejaıyna barǵanyn esittik. Sol kúni tús aýa áýejaıǵa barǵan kezde qaýipti aımaqtardan keletin ushaqtardyń oqshaýlanǵan aımaqqa kelip qonǵanyn, qyzmetkerleriniń, kóshi-qon polısııasynyń jáne medısınalyq qyzmetkerlerdiń jumysyna erekshe nazar aýdarylǵany týraly habar taratyldy.   

Al 2 aqpan kúni jýrnalıstermen kezdesken Almaty qalasyndaǵy taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasımova  Almatyǵa kelip-ketkenderdiń bárin birdeı tekserýge sebep kórip turmaǵanyn aıtty. «Almaty koronavırýstyq ınfeksııany testileýge daıyn. Testileý shamamen eki saǵatty alady. Sonymen qatar, biz ortalyq anyqtamalyq zerthanaǵa rastaýǵa jiberemiz. Búgingi kúni báriniń teris nátıjeleri bar», - deıdi  Aızat Moldaǵasımova.

Onyń aıtýynsha, aýrý deńgeıiniń joǵarylaýyna baılanysty, koronavırýstyq ınfeksııasy bar degen kúdikpen 17 synama Almatyǵa jiberilgen. Olardyń dıagnozy da  teris nátıje kórsetti. Táýligine birneshe  ret buqaralyq aqparat quraldary arqyly el halqyna resmı aqparat taratylady. Almaty turǵyndary Almaty áýejaıynyń jańa jylý jabdyqtarymen jabdyqtalǵanyn, barlyq halyqaralyq reısterde sanıtarlyq-karantındik baqylaý kúsheıtilgenin, 30 epıdemıologtyń táýlik boıy barlyq reıster jasaıtyndyǵyn, taǵy 80 epıdemıologtyń kezekshilik etetinin jáne 8 toptyń jumys jasaıtyndyǵynan habardar.

Qaýipti  aımaqtardan ushyp kelgen ushaqtar  bólek turaqqa  qonady

Al vırýstyq ınfeksııalarǵa kúdik týyndaǵan jaǵdaıda bul adamdar dereý jeldetý júıesimen áýejaıdaǵy arnaıy qalpyna keltirý aımaqtarynda oqshaýlanady. 

Almaty qalasynyń ákimi Baqytjan Saǵyntaevtyń sheshimimen  ákimniń  Erjan Babaqumarovtyń tóraǵalyǵymen koronavırýstyq ınfeksııanyń aldyn alý jónindegi aımaqtyq shtab quryldy. «Áleýmettik jelilerde qaýeset taratpaý úshin biz kún saıyn aqparat berýge mindettimiz», - dedi Almaty qalalyq densaýlyq saqtaý basqarmasynyń ókili Nabıra Esenova jýrnalıstermen kezdesken kezde.

Almaty resmı aqparattyń jetkilikti bolýy úshin múmkindiktiń  bárin jumyldyryp jatyr. Qala basshylyǵynyń mundaı áreketi, bir jaǵynan, jaǵdaıdy baqylaýda ustaýǵa tyrysyp jatqandyǵyn, ekinshi jaǵynan, qorqynysh áli de kúsheıe túsetindigin kórsetedi.

Apta basynan beri áleýmettik jelilerde medısınalyq maska jetpeı jatyr degen aqparat men  «Qazaqstan Iran men Qyrǵyzstannan medısınalyq maska» satyp alady degen derek aqparat maıdanynda teke-tiresip qaldy:

Bul joly da Almaty bıligi jel sózdiń tamyrlanyp ketpeýiniń aldyn aldy.  Qazir Almatydaǵy dárihanalardy bir súzip shyqsańyz,  munyń jalǵan ekenine kózińiz jetedi. Baǵa da ózgergen joq. Onyń ár danasy burynǵydaı, 35 teńgeden satylyp jatyr.

Koronavırýstan qoryqqan qala turǵyndary medısınalyq masqalardy kótere satyp alýǵa daıyn

«Biraq oǵan qajettilik joq ekenin túsindirip jatyrmyz. Bul jaǵdaı jalǵasa berse, tapshylyq  jasandy jolmen qalyptasýy múmkin. Sondyqtan árbir adamǵa 10-15 dana medısnalyq masqa satylyp jatyr. Taýardyń bul túrine degen suranys kereket ósti», - deıdi qaladaǵy dárihanalardyń biriniń prvaızeri Sáýle Tákenqyzy.

Medısnalyq masqalar tez satylyp jatyr. Tapsyrys qalypty jaǵdaıdan eki-úsh ese kóp berilse de, tús aýa satylyp ketedi.  Baǵanyń ósip ketýine jol bermeý úshin   О́ńirlik shtab alypsatarlyqty jáne jolyn kesýdi qadaǵalaıdy. «Biz Almatynyń   medısınalyq betpeden qysylyp qalmaýy úshin tańerteńgi saǵat 10-da 77 dárihanaǵa qońyraý shalyp, tekserý júrgizemiz»,  - deıdi Aızat Moldaǵasımova.

Onyń aıtýynsha, qalalyq dárihanalarda medısınalyq maskalardyń bolýy men quny týraly monıtorıng kún saıyn júrgiziledi. Keıde maskalar 70 teńgeden jáne odan joǵary respıratorlar satylǵan kezde buzýshylyqtar anyqtalady, sodan keıin polısııa bólimi jumysqa kiredi. «Baǵalar men jasandy tolqýlar týyndaǵan jaǵdaıda olar ákimshilik jáne qylmystyq jaýapkershilikke tartý úshin barlyq sharalardy qoldanýda», - deıdi qalanyń bas dárigeri Aızat Moldaǵasımova.

Sońǵy kúnderi jergilikti Biola jáne Turan óndiristik kompanııalarynan 20 000 maska satyp alyndy. «Dolce» óndirýshisi kúnine 4 myń maska shyǵarady, al Almatydaǵy maskalar qory kún saıyn toltyrylady. Búgingi tańda tapsyrys aldaǵy aptaǵa oryndaldy. Dárihanalardy bir apta ishinde maskalarmen toltyrý josparlanýda», - dedi A.  Moldaǵasımova.

Qaýiptiń áli seıilmegenin BAQ arqyly esitip, bilip, kórip otyrmyz. 2 aqpannan bastap  koronavırýske qatysty statıstıkanyń qazany kemerinen asyp-tógilip qaınap jatyr.  BDU málimeti boıynsha álemde 2019-nCoV vırýsy 17 391 adamdy juqtyrdy (onyń ishinde Qytaıda 17238, taǵy 233 elde 153 juqtyrý oqıǵasy tirkelgen).  Koronavırýs 362 adamnyń ómirin qıdy.

30 qańtarda DDU koronavırýstyń órshýine baılanysty halyqaralyq alańdaýshylyq týǵyzatyn  tótenshe jaǵdaı jarııalady. 30 qańtarda DDU koronavırýstyń órshýine baılanysty halyqaralyq alańdaýshylyq týǵyzatyn tótenshe jaǵdaı jarııalady. 23 eldiń azamatynyń boıynan bert belgisi tabyldy. Álem 2019-nCoV vırýsynyń taralýynan, shynymen aıaq tarta bastady. Sebebi AQSh-ta 2019-2020 jyldar aralyǵynda 10 myńǵa jýyq adam tumaýdan qaıtys boldy.

 

Almaty

Sońǵy jańalyqtar

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Uqsas jańalyqtar