Aımaqtar • 04 Aqpan, 2020

El Erkinniń eńbegin umytpaıdy

27 retkórsetildi

О́z zamanynda uıymdastyrýshylyq qabiletiniń arqasynda elden erek eńbek etken Erkin Áýelbekov belgili memleket jáne saıası qaıratkeri sanatynda edi. Osy eńbegine oraı keńes zamanyndaǵy eń qurmetti ataqqa ıe bolyp, Sosıalıstik Eńbek Eri atandy. 

On jylǵa jýyq Kókshetaý oblystyq partııa komıtetiniń birinshi hatshysy qyzmetinde bolǵan nar tulǵanyń ómirden ótkenine 21 jyl. Taıaýda el ardaǵy – Erkindi eske alý maqsatynda oblystyq tarıhı-mádenı murany qorǵaý jáne paıdalaný ortalyǵynyń mamandary Kókshetaý qalalyq kitaphana qyzmetkerlerimen birigip, kezdesý keshin uıymdastyrdy.

Eske alý keshinde Erkin Áýelbekovti kózi kórgen, qyzmettes bolǵan áriptesteri men jas tolqyn jınaldy.

– «Ol kisi elimizdiń bir týar azamaty, úlken tulǵa. Eline adal qyzmet etti. Er-aǵańnyń erlik isi jastar úshin jaqsy mysal, ómirsheń ónege. Eńbegi eshqashan umytylmaq emes. Búgingi kúni biz osyndaı azamattyń aty óshpeý úshin qyzmet etýimiz kerek»,– dedi Kókshetaý qalasynyń qurmetti azamaty Bolat Janádilov.

Bıyl Erkin Nurjanuly Áýelbekovtyń týǵanyna 90 jyl tolmaq. Mereıtoı qarsańynda óńirdiń zııaly qaýym ókilderiniń qoldaýymen iri uıymdastyrýshy, Sosıalıstik Eńbek Erine arnap ómirbaıany men halqyna sińirgen qyzmetin qamtıtyn kitap shyǵarý josparlanyp otyr.  

Keshke jınalǵandar tulǵa taǵylymyn túısinip, árkim de halqyna dál osylaı qyzmet etse, birligimiz nyǵaıyp, tirligimiz jaqsarar edi dep topshylap qaıtty.

 

Kókshetaý qalasy

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar