Sport • 04 Aqpan, 2020

Kókshetaýlyq taekvondoshylardyń tabysy

10 retkórsetildi

Jerles taekvondoshylar jyldy sátti bastady. О́tken aıdyń ózinde olar eki birdeı halyqaralyq týrnırge qatysyp, aýyzyn aıǵa bilegen myqtylardan basym tústi.

Sondaı básekelerdiń biri Almaty shaharynda ótken jasópirimder men kadetter arsyndaǵy halyqaralyq týrnır. О́ńir qorjyny   ádettegideı maılanyp qaıty. Atap aıtsaq, 1 altyn, 1 kúmis, 6 qola medal.

Aıtýly básekege elimizdiń barlyq aımaqtarynan jáne kórshiles Qyrǵyzstannan 900-den astam taekvondoshy qatysypty. Al, jasópirimder arasynda 53 keli salmaqta jerlesimiz Ahat Orazhanǵa teń keler taekvandoshy bolmaǵan. Altynnan alqa taǵyp, oblys mereıin kóterdi. Sport salasyna byltyr ǵana bet burǵan Ahattyń bul ekinshi týrnıri. Oblystyq týrnırde qolany mise tutqan jas óren halyqaralyq týrırde baǵy janyp qolany altynǵa aýystyrdy.

– «Osyndaı bıik nátıjege qol jetkizem dep oılaǵan joq edim. Eń qıyn kezdesý fınal boldy. Alda osy qarqynnan taımaı, júldeli oryndardan kóriný», – deıdi taekvondodan halyqaralyq týrnırdiń jeńimpazy Ahat Orazhan.

Endi jergilikti qurama mamyr aıynda elorda tórinde ótetin el chempıonatyna daıyndyqtaryn bastap jatyr. Ol jarysta da jerles taekvondoshylar óńir namysyn abyroımen qorǵap, jeńis jalaýyn jelbiretip qaıtaryna senim mol. 

 

Kókshetaý qalasy.

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar