Qoǵam • 05 Aqpan, 2020

Elorda jastary Volonter jylyna daıyn

25 retkórsetildi

Keshe elordalyq volonter­ler Jastar saraıynda bas qosty. Volonterlerdiń alǵash­qy tımbıldıngine – ujymdasqan is-sharaǵa mektep oqýshy­larynan bas­tap, kolledj, ýnıver­sıtet stýdentteri qatysty. Jas­tar sporttyq jarys­tarda baq syna­syp, túrli oıyndar oınady.

«Nur-Sultan qalasy jastar saıasaty máseleleri basqarmasy» MM basshysy Dáýlet Káribek volonterler basqosýy jaqsy komandanyń, ónimdi jumystyń negizi ekenin aıtty. «2020 jyl Volonter jyly dep belgilengennen keıin Nur-Sultan qalasynda Volonterler shtaby quryldy. Izgi iske nıetti kez kelgen jas shtabqa kelip ótinish bere alady. Ujymdyq is-shara aptasyna eki ret ótedi. Volonterlik qyzmetke qyzyqqandardy aldymen osynda shaqyryp, bir-birimen tanystyryp komanda jasaımyz. Árqaı­sysynyń ıkemine qaraı 7 topqa bólemiz. Bel­sendi 500 volonter bar, al jalpy 2000-ǵa jýyq volonter tirkelgen. Olar­dy daıyndaıtyn arnaıy trenerler de bar», dedi D.Káribek.

Uıymdastyrýshylardyń aıtýynsha, tımbıldıng 7 kezeńnen turady. Ár kezeń­niń erekshe tapsyrmasy bar. Bul tapsyr­malar da qatysýshynyń beıimdiligin anyqtaýǵa múmkindik beredi.

Nur-Sultan qalasyndaǵy №61 orta mekteptiń 11-synyp oqýshysy Qanat Sadyq volonterlikpen 15 jasynan bas­tap aınalysatynyn aıta kele, búgingi sharaǵa dostaryn qoldaýǵa kelgenin aıtty. «О́zim 9-synyptan bastap volonterlikpen aınalysamyn. Elmıra Esmuhanova esimdi ustazym úlken jobalarǵa shaqyryp, ózimen birge ertip júrdi. Basynda ata-anam túsinbedi, muny ýaqytsha qyzyǵýshylyq dep qarady. Alaıda jetistikterimdi, adamdarǵa jaqsylyq jasaýǵa qulshynysymdy kórip, oıyn ózgertti. Mektep túlegi retin­de mańyzdy syndardyń kútip turǵa­nyn túsinemin. Alaıda volonterlik ýa­qytty tıimdi paıdalanýǵa kómektesedi. Úlken ata-ájelerge kómektesemiz. Olar bizge shaı berip, alǵysyn aıtady. Túrli senbilikterge, halyqaralyq sharalarǵa qatysyp, qoldan kelgenshe kómek kórsetemiz», deıdi Qanat.

Al «Astana jastary» MQM volonteri Araılym Saparáli eriktiler qataryna stýdent kezde qosylǵanyn aıtady. «Volonterlikpen aınalysqanyma bir­neshe jyl ótti. Stýdent kezimde bastalǵan qyzyǵýshylyq búginde ómirimniń bir bóligine, súıikti jumysyma aınaldy», deıdi.

Jarys jeńimpazdary marapattalyp, merekelik dastarqan basynda tanystyǵyn jalǵastyrdy.

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar