Aımaqtar • 05 Aqpan, 2020

Strategııalyq sessııa – óńirdi basqarýdyń tyń tásili

24 retkórsetildi

Aqtóbede óńirler arasynda tuńǵysh ret transformasııa jobasy qolǵa alynyp otyr. Iаǵnı, munyń ózi buǵan deıin qoldanylyp kelgen basqarý tásilderi men joldaryna tyń ózgerister engizý qajettigin kórsetedi. Osyǵan oraı aldaǵy ýaqytta Aqtóbe aımaǵynda bilim berý, medısına, ekologııa, jol jáne turǵyn úı qurylysy, sondaı-aq ınves­tısııa tartý sekildi búgingi kúnniń ózekti salalarynyń qyzmetin uıymdastyrý isi transformasııaǵa, ıaǵnı belgili bir ózgeristerge ushyramaq.

Buǵan bastamashy bolǵandar – «CSI» strategııalyq ortalyǵy men «Aqtóbe» áleý­met­tik-kásipkerlik korporasııasy». Atal­ǵan qos qurylym transformasııa tásilin engizý úshin eń aldymen strategııalyq sessııa ótkizý­di uıǵarypty. Bul tirkes te tuńǵysh ret aıty­lyp otyrǵandyqtan anyqtama bere ketkenniń artyqshylyǵy bola qoımas. «CSI» kompanııasynyń seriktesi Oljas Qudaıbergenovtiń aıtýynsha, strategııalyq sessııa uǵymy bir maqsatqa jumylǵan jan­dar­dyń ózara úndestigi men senimi, «bir jaǵadan bas, bir jeńnen qol shyǵarý» jolyndaǵy birlesken is-qımyly. Aıtalyq, búginde ákimshilik ǵımarattarynda ótkiziletin ártúrli jıyndar kóp. Onda kún tártibinde turǵan birqatar másele aıtylǵanymen,  tur­mys­tyń kóptegen problemasy jáne sheshý­diń joldary qaǵaberiste qalyp qoıa beretini jasyryn emes. Belgili bir taqyryptyq máselege arnalǵan jıyn ústinde másele aıaqsyz qaldy deýdiń de qısyny joq. Sarapshylardyń málimdeýinshe, ózara senim men aýyzbirshilik jaǵdaıynda, minber ústinde emes, kerisinshe shaı ústinde problemalar tizbegi kóbirek kórinis beredi eken. Mine, strategııalyq ses­sııa­nyń bas­ty bir ereksheligi osynda kórinedi.

Aqtóbede alǵash ret ótken strategııalyq sessııa kezinde resmı jınalystarda aıtyla bermeıtin problemalar anyqtaldy. Alǵashqy tájirıbe ortaq máseleler men tap­syr­ma­lar­­dy birlesip sheshýge múmkindik berdi. Strategııalyq sessııa barysynda baıqalǵan oń ahýal osyndaı túıin jasaýǵa alǵyshart qalaıdy. Osy oraıda res­pýblıka kóleminde tuńǵysh ret ótkizilgen jyly shyraıly basqosýǵa qatysýshylar – memlekettik mekeme ókil­deri, kásipkerler men dárigerler jáne ustaz­dar men qoǵam belsendileri. Olardyń jalpy sany júzden asyp jyǵylady.

Osylaısha jańashyldyq pen jasam­paz­dyqty tý etkender toǵyz topqa toptasyp, oblystyń osal ári olqy soǵyp júrgen tus­taryna kóbirek oı júgirtti. Ári ony qyzý tal­qyǵa salyp, oń turǵyda sheshýdiń jol­daryn tabýǵa tyrysty. Aıryqsha sessııaǵa qaty­sý­shylardyń arasynda Aqtóbe oblysy­nyń ákimi Ońdasyn Orazalın de bolyp, kóterilgen problemalarǵa qatysty óz oı-pikirin jetkizdi.

– «Jumyla kótergen júk jeńil» demeı me halqymyz, óńirimizde transformasııany qoldaýǵa ázir, ári óreli ózgeristerge nıettes, tilektes azamattardyń mol ekendigi ortaq maqsattar men jetistikterge qol jet­kizý­ge berik negiz qalaı alady. Meniń oıym­sha, bú­gin­gi kó­terilgen máseleler kókten túse qal­ǵan shetin jaıttar emes. Bári de oryn­daý­ǵa ábden bola­tyn qarapaıym problemalar. Bárimizdiń maq­sa­tymyz – bireý. Bul oblys tur­ǵyndarynyń sa­paly ómir súrýin qamta­ma­syz etý.

«О́mir bolǵan soń onyń tolǵaǵy jetken máseleleri men problemalary bolmaı turmaıdy. Másele sony sheshýdiń balamaly joldaryn izdestirýde emes pe? Bul rette ár salanyń óz kóshbasshysyn taba bilýdiń de orny erekshe. Transformasııa jobasynyń basty bir tarmaǵy osy máseleden bastaý alady», dedi «Aqtóbe» áleýmettik-kásipkerlik korporasııasynyń basqarma tóraǵasy Ermek Imantaev.

Onyń aıtýynsha, oblysta transformasııa jobasy aıaqtalǵan soń «Aqtóbe NUB» óńirlik ortalyǵy qurylmaq. Onyń basty mindeti – Aqtóbe oblysyn zamanaýı bıik talaptarǵa be­ıimdeý bolmaq. О́ńir basshysynyń tapsyrma­sy­na sáıkes taldaýlar, marketıngtik zertteýler men saraptamalar júrgizý kózdelgen. Jaýap­ty is joǵaryda atalǵan qurylymdarǵa tap­sy­ryl­ǵan. Osy arada «Aqtóbe» ÁKK seriktesi «CSI» strategııalyq bastamalar orta­ly­­ǵy tájirıbesi baı, kásibı deńgeıi joǵa­ry, bilikti maman­dary men sarapshylary mol, eldiń tynys-tirshiligin zerdeleı biletin iri ulttyq konsal­tıngtik kompanııa ekeni belgili. Olar óńir­diń basty erekshelikteri men ekonomıkasyn tereń ári jan-jaqty zertteýge qyzy­ǵý­shy­lyq tanytyp otyr.

Mine, osylaısha Aqtóbe aımaǵynda óńirdi basqarýdyń ómirsheń tásilderine arqa súıeıtin transformasııa jobasynyń qadasy qaǵyldy. Bul baǵyt aımaqtyń ajarlana túsýine septigin tıgi­ze ala ma, oǵan ýaqyttyń ózi tóreshi bol­maq.

 

AQTО́BE

 

Sońǵy jańalyqtar

Sarbaz qarý-jaraqpen qashyp ketti

Qazaqstan • Búgin, 20:14

Qyzylordada esirtki tárkilendi

Aımaqtar • Búgin, 20:11

Búgingi jańalyqtar (20.02.2020)

Vıdeo • Búgin, 18:45

Ortalyqqa 10 velosıped syılady

Sport • Búgin, 17:35

Abaı murasyna arnalǵan kórme

Rýhanııat • Búgin, 15:41

Elordany kezgen elik ustaldy

Qoǵam • Búgin, 15:40

Jaǵa ustatqan jat qylyq

Aımaqtar • Búgin, 14:29

10 jyl sýbsıdııalanǵan salanyń jyry

Ekonomıka • Búgin, 14:08

Basylym basshylary - Saýytbek ABDRAHMANOV (1951)

Basylym basshylary • Búgin, 12:42

Uqsas jańalyqtar