Aımaqtar • 05 Aqpan, 2020

AÁK taǵaıyndaý tetikteri júıelendi

45 retkórsetildi

2020 jyldyń 1 qańtarynan bastap elimizde ataýly áleýmettik kómek taǵaıyndaýdyń jańa tetikteri men formattary engizilgeni málim. Osyǵan oraı birqatar jańa zańnamalyq aktiler de qoldanysqa engeni belgili. Endigi kezde jergilikti ókiletti organdar AÁK tóleýge qatysty ózgeristerdi júıeli túrde júzege asyrýy qajet. Bul turǵyda Aqtóbe óńirinde qarqyndy is-qımyl baıqala bastaǵanyn aıtqan jón.

Oblystyq jumyspen qamtý jáne áleýmettik baǵdarlamalardy úı­lestirý basqarmasy áleýmettik ma­ńyzy joǵary isti 2019 jyldyń 31 jeltoqsanyna deıingi AÁK be­rý­diń jaı-kúıine taldaý jasaýdan bastap otyr. Bul kezde óńirde AÁK alýshylar arasyndaǵy eń­bek­ke qabiletti azamattar ju­mys­­pen qamtýdyń belsendi shara­­la­ry­na tartyldy. Olardyń qata­ryn turaqty jumysqa orna­las­qan­­dar men aqyly qoǵamdyq qyz­met­ke joldanǵandar jáne áleý­met­tik jumys oryndary men jas­tar tájirıbesine jibe­ril­gender qu­raıdy. Sonymen birge osy ara­lyqta oblysta jańa ká­sibı ma­man­dyqtarǵa ázirleý úshin qysqa mer­zimdi kýrstar uıym­das­ty­ryl­ǵan.

Ataýly áleýmettik kómek berý­ge qatysty bıyl qoldanysqa en­gi­zil­­gen ózgerister nóldik sıkldan bas­talmaǵany belgili. Sondyqtan atal­ǵan basqarmanyń sarapshy mamandary aldyńǵy jyldarda jınaq­talǵan tájirıbeniń tıimdi tus­taryn AÁK-tiń jańa formaty jaǵ­daıynda odan ári paıdalana bergendi jón sanaıdy.

Byltyr óńirde osy oń isterge kereǵar jaıttar da oryn alǵanyn jasyrmaımyz. Bul – birqatar AÁK alýshylardyń óz tabystaryn jasyrý, formaldy túrde jumys­tan shyǵý jáne jalǵan neke buzý sekildi teris is-áreketterge jol berý derekteri. Anyqtalǵan tizim Eńbek jáne halyqty áleý­mettik qorǵaý mınıstrligi ja­nyn­­daǵy Eńbek resýrstaryn damy­tý orta­lyǵyna jınaqtalǵan. Osy tizim­ge sáıkes oblysta kirisi men shy­ǵysynyń arasynda aıyr­ma­shylyǵy bar AÁK alýshylarmen jeke túsinik jumystary júrgizilgen ári osy turǵyda ońa­sha kezdesýler ótkizilgen.

Sonyń nátıjesinde kiristerin jasyrǵan 1505 otbasyna tólem tóleý toqtatylyp, 1754 otbasyna qaıta esepteýler júrgizildi. Al 229 otbasyna taǵaıyndalǵan tólem naqtylaý barysynda dálel­denbegendikten ózgerissiz qal­dyryldy. Sóıtip atalǵan ju­mys­­tardyń nátıjesinde jalpy sany 61 otbasyna 51,1 mıllıon teńge artyq ári negizsiz tólen­ge­ni anyqtalyp, bıýdjetke keri qaıtaryldy. Sonymen qatar oblys boıynsha 2018 jyly 1 mıllıonnan 10 mıllıon teńgege deıin kirisi bar 143 jeke kásipker AÁK alýshylar qatarynyń bel ortasynan oryn alypty.

Arnaıy qurylǵan komıssııa olardyń áleýmettik-turmys jaǵ­daılaryna qaıtadan tekserý júr­gi­zip, tabystarynyń mólsherin anyqtady. Sonyń nátıjesinde 18 otbasynan 2 mıllıon teńgeden astam qarajat bıýdjetke keri qaıta­ryldy. AÁK taǵaıyndaýdyń bıyl qolda­nys­qa engizilgen jańa for­maty jaǵ­daıynda mundaı «áttegen-aı­lar­dan» tıisti sabaq ala bilý qa­jet. Bul maqsatta bıyl oblysta AÁK berý máselesine jarııalylyq qaǵı­dat­taryn or­nyq­­tyrý úshin jańa aımaq­tyq ju­mysshy toby quryldy. Onyń qura­myna Memlekettik kirister jáne Ishki ister men Ádilet de­parta­ment­teri, Prokýratýra, Densaýlyq saq­taý men Aýyl sharýa­shylyǵy bas­qar­malary jáne aqsa­qaldar alqasy men úkimettik emes uıymdar ókilderi en­gizilgen.

Sonymen birge oblystyń bar­lyq aýdanynda ýchaskelik komıs­­sııa­lar­dyń quramy qaıta­dan qaralyp jasaqtaldy. Qa­zir 161 ýchaskelik komıssııa jum­ys­ta­ryn oıdaǵydaı júrgizip keledi. Sóıtip teris is-áreketterge jol bermeýdiń múldem jańasha tyń joldary belgilendi. Sondaı-aq jumysy joqtyq masyl­dyq­qa ákelmeýi tıis. Soǵan sáıkes áleý­met­tik kelisimsharttar tolty­ryl­dy ári olardy jumyspen qam­tý­dyń belsendi sharalaryna tartý úshin aqparattyq júıege engizý jumystary júrgizildi. Buǵan qosa AÁK alýshylardyń kiri­sine assıstentter tarapynan aı saıyn monıtorıngtik zertteýler jasaý tártibi qolǵa alyndy. Buǵan qosa oblysta ataýly áleýmettik kómekke qaıta esepteý ju­mystary júrgizildi,  deıdi ob­lystyq jumyspen qamtý jáne áleýmettik baǵdarlamalar bas­­qar­­masynyń basshysy Bulbul Eleýsinova.

Taǵy bir atap ótetin másele, bıyl­dan bastap ótinish berýshiniń ma­terıaldyq jaǵdaıyn tekserý qo­ry­tyndysy boıynsha memleket tarapynan taǵaıyndalatyn ataý­ly áleýmettik kómekke muq­taj­­dy­ǵyn anyqtaý krıterııi belgi­lendi. Sondaı-aq ýchaskelik komıs­sııa­lardyń quramy túgeldeı qaıta jań­­ǵyrtylyp, olarǵa zań­na­malyq qu­qyqtar bekitilgen.

Oblys ákiminiń orynbasary Marat Toǵjanov bıyldan bas­tap ýchas­­kelik komıssııalardyń qyzmeti­­­ne zor senim artylyp, úlken ja­ýap­­­ker­shilik júktelgenin atap kór­setti. Olar apta saıyn AÁK-ke muq­­taj otbasylardyń jaı-kúıi­men tolyqtaı tanysyp, kirisi men shy­ǵy­syn sarapqa salýda.

Iá, buǵan deıin AÁK berý isinde adam faktory da, sybaılastyq sıpa­tyn­daǵy kórinister de, bir­qatar túsinispeýshilik derek­te­ri de kezdesti. Endi AÁK ta­ǵaıyn­daý­dyń jańa tártibi mundaı zań­syz­dyq­tar­dyń jolyn kesedi degen senim bar.

 

AQTО́BE

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar