Aımaqtar • 05 Aqpan, 2020

Kólik keptelegi

145 retkórsetildi

Shymkenttik oqýshy shahar kóshelerindegi kólik qozǵalysyn retteýge atsalysty. Osyndaı ataýmen áleýmettik jelide taralǵan vıdeo kópshiliktiń qyzý talqysyna túsip, jas jetkinshektiń bul isine jeli qoldanýshylary alǵys aıtty.

 

«Men osy kórinisti óz kó­zimmen kórdim. Keptelekte uzaq turyp qalamyn ba dep alańdap turǵanymda, jyldam ótkizip jiberdi. Kólik júrgizýshileri «jaraısyń!», dep maqtap jatty», deıdi kólik júrgizýshisi Ashat Táji­baev.

Osylaısha bir sátte-aq shym­kenttikterdiń yqy­la­syna bólengen óskinniń esimi – Dastan О́mirtaev. Ol sol kúni jattyǵýdan úıi­ne qaıtyp kele jatypty. Kóshe qıylysynda baǵ­darsham óship, keptelek týǵan sátte jaqyn mańda polıseıler joq ekenin túsinip, bir­den kómekke umtylypty. Kó­lik júrgizýshilerin óziniń qol qımyldary ar­qy­ly ba­ǵyttap, jaǵ­daı­dy óz ba­qy­laýyna alǵan. Osy­laısha kó­she qıylysyndaǵy kólik irkilissizdigin qalpyna kel­tirgen.

«Qalada polıseıler kó­lik keptelegin qa­laı ret­­teı­tinin birneshe ret kór­genmin. Olardyń iste­genin qaıtaladym. Ras, taıaq­sham men ysqyryǵym bolmady. Sol úshin baǵytty tek qolymmen kórsetip turdym. Keptelekten shyqqan kólik júrgizýshileri maǵan bas bar­maqtaryn kórsetip, alǵys bildirip jatty», deıdi Shym­kent qalasyndaǵy №114 jal­py orta bilim be­retin mek­tep oqýshysy.

Áý basta, mektep oqý­shy­­synyń ata-anasy je­lide taralǵan vıdeony kórgende qatty ýaıymdaǵan. Bala­synan kelesi jo­ly mundaı áre­ketti qaıtalamaýdy su­rap­ty. Synyp jetekshi­leri de oqýshymen ózara áń­gimelesken.

«Dastannyń kóshedegi adamdarǵa kómekteskeni jaq­sy. Biz oǵan alǵys aıttyq. De­genmen, qaýipsizdik má­se­lesin nazarda ustaýdy tú­sindirip, ata-anasymen sóı­lestik. Eger de aınala­synda qandaı da bir jaǵ­daı bola qalsa, shuǵyl qyz­­­metterge ha­barlasý kerek­tigin jet­kizdik», deıdi №114 jalpy orta mek­teptiń dırektory Asqar О́mir­álıev.

Al muǵalimderi men sy­nyp­tastary 7-synyp oqý­shysynyń árdaıym aınalasyna kómektesýge daıy­n turatyndyǵyn aıtady. Ázir­ge oqýshynyń bul is-áre­keti qoǵamnyń jaqsy ba­ǵalaýyna ıe bolýda. Polı­seıler bolsa, aldaǵy ýa­qyt­ta vıdeony zerttep, ba­la­qaıǵa óz baǵalaryn bermek.

 

ShYMKENT

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar