Qoǵam • 05 Aqpan, 2020

Haıýanattar baǵyna qolǵabys kórsetti

86 retkórsetildi

Memleket basshysy Qasym-Jomart Toqaev bıylǵy jyldy Volonter jyly dep jarııalaýyna baılanysty elimiz boıynsha eriktiler qozǵalysy qarqyn ala bastady. Bul izgi bastamaǵa Qazaq ulttyq agrarlyq ýnıversıtetiniń jastary da belsendi atsalysýda. Jýyrda ýnıversıtettegi «Eriktiler» klýbynyń músheleri Almaty haıýanattar baǵyna qolǵabys jasap, qoqystardy jınap, volerlerdi tazalap, janýarlardy azyqtandyrýǵa kómektesti.

Almaty zoobaǵy men QazUAÝ-dyń Tárbıe jumystary departa­men­tiniń uıymdastyrýymen ót­ken sharaǵa ýnıversıtettiń Sý, jer já­ne orman resýrstary fakýlte­tinen «Ańshylyqtaný jáne ań sharýa­shy­lyǵy» mamandyǵynda, Tehnologııa já­ne bıoresýrstar fakýltetinen «Ara, qus jáne balyq sharýashylyǵy» ma­man­­dyǵynda bilim alatyn stýdentter qatysty.

Eńbekten tartynbaıtyn eriktilerdi Almaty haıýanattar baǵy tarapynan dırektordyń orynbasary Aǵybaı Áji­baev, Strategııalyq damý bóliminiń meńgerýshisi Aqjamı Rahımova jáne sharýashylyq qyzmetkerleri men seksııa jetekshileri qarsy alyp, arnaıy nuqsaýlar berdi. Zoobaq mamandary óz tájirıbelerimen bólisip, jastarmen pikir almasty. Oqý ornynyń Tár­bıe jumystary departamentiniń dırektory Baný Dúısebaıqyzy, Sý, jer jáne orman resýrstary fakýlteti de­kanynyń tárbıe jónindegi orynbasary Maııa Vıktorovna, Tehnologııa jáne bıoresýrstar fakýlteti deka­nynyń tárbıe jónindegi orynbasary Uljan Nuralıeva jáne Ándııa Serik­baeva, Tańatar Qydyrov, Álibek Ábdibek syndy ustaz-ǵalymdar da bi­lek sybana jumys atqaryp, jastarǵa úlgi kórsetti.

Almaty haıýanattar baǵy men Qazaq ulttyq agrarlyq ýnıversıteti tyǵyz qarym-qatynasta jumys isteıdi. Bilikti mamandar men oqytýshy-ǵalymdar QazUAÝ stýdentteriniń tájirıbelik sa­baqtaryn uıymdastyryp, olardyń ǵylymı izdenisterine baǵyt-baǵdar beredi. Bilim alýshylar dıplomdyq ju­mystaryna qajetti málimetterdi osy zoobaq mamandarynan ala alady. Almaty haıýanattar baǵy ja­nýarlardyń túrlerin saqtaý jáne olardy zertteý jónindegi halyqaralyq baǵ­darlamalardyń qatysýshysy re­tinde ERAZA, WAZA, SEAZA sııaqty zoo­­baqtar men akvarıýmdardyń álem­dik assosıasııalaryna múshe. Qazirgi kezde zoobaq zaman talabyna saı ja­ńarý ústinde.

Volonter jylyna oraı mundaı ıgi sharalar aldaǵy ýaqytta da jal­ǵas­a­tyn bolady.

 

Muhtar BAIBATShANOV,

QazUAÝ-dyń «Orman resýrstary jáne ańshylyqtaný» kafedrasynyń qaýymdastyrylǵan professory, aýyl sharýashylyǵy ǵylymdarynyń kandıdaty

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar