Qazaqstan • 05 Aqpan, 2020

Investısııalyq jobalardy ilgeriletý máseleleri talqylandy

71 retkórsetildi

Senatta Ekonomıkalyq saıasat, Innovasııalyq damý jáne kásipkerlik komıtetiniń músheleri «Kazakh Invest» aksıonerlik qoǵamynyń, Ulttyq ekonomıka jáne Aýyl sharýashylyǵy mınıstrlikteriniń ókilderimen kezdesti. Bul týraly Parlament Senatynyń baspasóz qyzmeti habarlady.

Júzdesýde agroónerkásip keshenine ınvestısııalyq jobalardy tartý jáne ony ilgeriletý, aýyl sharýashylyǵy ónimderin qaıta óńdeý naryǵyndaǵy ınvestorlarǵa raqymshylyq jasaý, sondaı-aq agroónerkásip keshenin memlekettik qoldaý máseleleri talqylandy.

«Kazakh Invest» AQ-nyń tóraǵasy Baýyrjan Sartbaev bos jer ýchaskeleriniń joqtyǵy týraly máseleni atap ótti. Ulttyq kompanııa tóraǵasynyń aıtýynsha, jobaǵa laıyqty jer ýchaskeleri jeke menshikte nemese onda agrotehnıkalyq talaptar saqtalmaı otyr. Osy problemany keshendi sheshý úshin ol jerdi jappaı sıfrlandyrý jáne ony paıdalaný men jaı-kúıine monıtorıng júrgizýdi usyndy.

Senator Dáýren Ádilbekov aýyl sharýashylyǵynyń tehnıkalyq jabdyqtalýyna nazar aýdaryp, odan ári ulǵaıtý men damytý týraly suraq qoıdy.

Jumys babyndaǵy kezdesý barysynda Ulttyq ekonomıka mınıstriniń orynbasary Jasulan Mádıev agroónerkásip salasy búgingi kúni salyq zańnamasymen yntalandyrý qalaı júrip jatqany týraly aıtty. Memleket agroónerkásip bıznes sýbektileri úshin arnaıy salyq tártibi túrinde salyqtardy tóleýdiń ońaılatylǵan tártibin kózdeıtin jeńildetilgen salyq salý júıesin usyndy.

«Bul shara aýyl sharýashylyǵy ónimderin qaıta óńdeýdi yntalandyrýǵa, daıyn otandyq ónim óndirisiniń kólemin arttyrýǵa múmkindik beredi. Alaıda tájirıbe kórsetkendeı, qabyldanǵan sharalarǵa qaramastan, ekonomıka salalarynda oń nátıjege qol jetkizý múmkin bolmady», - dedi J.Mádıev.

Mınıstrdiń orynbasary salyqqa raqymshylyq jasaý – ekonomıkany damytý úshin tıimsiz akt ekenin jáne ony odan ári júrgizýdiń tıimsizdigin de atap ótti.

Agroónerkásip keshenin damytý taqyrybyn jalǵastyra otyryp, aýyl sharýashylyǵy mınıstriniń orynbasary Aıdarbek Saparov elimizde agroónerkásip kesheni sýbektilerine birqatar memlekettik qoldaý kórsetiletinin atap ótti: jeńildikti nesıemen jáne lızıngpen qamtamasyz etý, basym baǵyttardy sýbsıdııalaý, sondaı-aq agroónerkásip kesheni sýbektileri úshin arnaıy salyq salý tártibi engiziledi. Alaıda biryńǵaı ekonomıkalyq keńistiktegi áriptestermen salystyrǵanda kórshiles elderdegi aýyl sharýashylyǵyn sýbsıdııalaýdaǵy artyqshylyqtardy kórýge bolady. Mınıstr orynbasarynyń aıtýynsha, aýyl sharýashylyǵy memlekettik qoldaý deńgeıi Jalpy ishki ónimge shaqqanda Belarýste 8,1%-yn, Reseıde-6,3%-yn, al bizde Qazaqstanda 5%-yn quraıdy. Bul rette agroónerkásip kesheniniń memlekettik baǵdarlamasyn tolyq qarjylandyrýda jylyna shamamen 140 mlrd teńge jetispeı keledi.

«Búginde qazaqstandyq taýarlarǵa qaraǵanda reseılik jáne ózbek taýarlary memlekettik qoldaý esebinen básekege qabiletti», - dedi A.Saparov.

Senatorlar kezdesý qorytyndysy boıynsha sýbsıdııalarǵa bólingen qarjynyń qanshalyqty tıimdi paıdalanylǵanyna baǵa berýge nıettenip otyr. Ol úshin aýyl sharýashylyǵy mınıstrligi 28 aqpanǵa deıin esepteý ádistemesin berýi tıis, odan keıin memlekettik qoldaý kólemin odan ári ulǵaıtý týraly sheshim qabyldanatyn bolady.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar