Aımaqtar • 05 Aqpan, 2020

Kókshetaýda sý qubyry jarylyp, 20 turǵyn úı sýdan ajyratyldy

25 retkórsetildi

Kókshetaý qalasynda sý qubyry jarylyp, 20 turǵyn úı sýdan ajyratyldy. Bul týraly QazAqparat habarlady.

«Kókshetaý sý arnasy» kommýnaldyq kásipornynyń málimeti boıynsha, tótenshe jaǵdaı búgin tańerteń Aqan seri kóshesiniń boıyndaǵy 116 turǵyn úıdiń tusynda bolǵan.

«Osy jerde dıametri 300 mm magıstral sý qubyry jaryldy. Osyǵan baılanysty Nazarbaev dańǵyly men Aqan seri kósheleriniń qılysatyn tusy jabylyp, kólik qozǵalysyna ýaqytsha shekteý qoıyldy. Apatty joıý úshin keshki saǵat 20:00-ge deıin 20 turǵyn úıdi aýyz sýdan ajyratýǵa týra keldi. Turǵyndarǵa sý kúni boıy tasymaldanyp jetkiziledi», - dep túsindirdi «Kókshetaý sý arnasy» kommýnaldyq kásipornynyń dıspetcherleri.

Aıta keteıik, 2020 jyldyń 1 qańtarynda Kókshetaý qalasyndaǵy Sh.Ýálıhanov kóshesi 177 úıdiń janynda sý qubyry jarylǵan bolatyn. Al aqpannyń 1-inde Kókshetaýǵa qarasty Krasnoıar kentinde dıametri 150 mm sý qubyry magıstraly jarylyp, turǵyndarǵa sý tasymaldanyp jetkizilgen edi.



Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar