Úkimet • 05 Aqpan, 2020

A.Mamın One Web basshylyǵymen Qazaqstanda jerseriktik ınternetti damytý máselesin talqylady

38 retkórsetildi

Premer-Mınıstr Asqar Mamın One Web brıtan kompanııasynyń bas atqarýshy dırektory A. Shtekeldi qabyldady. Bul týraly Premer-Mınıstrdiń baspasóz qyzmeti habarlady.

A. Shtekel osy jyldyń 7 aqpanynda Baıqońyr ǵarysh aılaǵynan One Web ázirlegen jahandyq jerserik jelisi aıasynda 34 jerserikti ushyrý daıyndyǵy týraly baıandady. Bıyl barlyǵy Baıqońyr ǵarysh aılaǵynan 8 ushyrýdy júzege asyrý kózdelgen. Jahandyq jerseriktik jeli 1200 shaqyrym bıiktikte 12 orbıta jazyqtyǵynda 504 spýtnıkten turatyn bolady. Jerseriktik jelini tolyq paıdalanýǵa berý jáne Qazaqstan aýmaǵynda qyzmet kórsetýi 2021 jyldyń sońyna boljanǵan.

Taraptar Qazaqstan aýmaǵyn, sonyń ishinde shalǵaıdaǵy jáne jetýge joly qıyn aýdandardy baılanys spýtnıkteri arqyly joǵary jyldamdyqty keńjolaqty ınternetpen qamtý jónindegi jobany iske asyrý perspektıvalaryn talqylady.

Nur-Sultan qalasyndaǵy Ulttyq ǵarysh ortalyǵynyń janyndaǵy Ǵarysh apparattarynyń qurastyrý-synaý kesheniniń bazasynda One Web úshin jerserikter qurastyrý jobasyn iske asyrý múmkindikteri, sondaı-aq, odan keıin Ortalyq Azııa, Kavkaz, Iran, Aýǵanstan elderine One Web jerseriktik ınternetin eksklıýzıvti dıstrıbýsııalaýmen Qazaqstan aýmaǵynda shlıýz stansasyn ornalastyrý boıynsha birlesken kásiporyn qurý máselesi qaraldy. 

One Web kompanııasy Internet jáne jyldamdyǵy joǵary derekterdi jetkizý (qoldanýshy termınalyna 5-50 Mbıt/s) jelisine qoljetimdilik boıynsha qyzmetterdi usyný úshin ǵalamdyq tómen orbıtaly jerserik jelisin jasaıdy.  

Sońǵy jańalyqtar

Koronavırýs: Shymkentte 12-jaǵdaı tirkeldi

Koronavırýs • Búgin, 11:11

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar