Aýyl sharýashylyǵy vıse-mınıstri G.Isaevanyń jáne AО́K memlekettik ınspeksııa komıtetiniń tóraǵasy A. Marstyń tóraǵalyǵymen ótken keńes barysynda fıtosanıtarlyq qaýipsizdikti qamtamasyz etý jáne ósimdik sharýashylyǵy ónimderiniń eksporttyq áleýetin arttyrý boıynsha negizgi máseleler qarastyryldy.
Is-shara barysynda jıynǵa qatysýshylar 2019 jyly Parlament Senatynyń Tóraǵasy D. Nazarbaevanyń tapsyrmasy boıynsha Reseı Federasııasy men Qyrǵyzstan Respýblıkasymen shekaralas aýmaqtarda ashylǵan fıtosanıtarııalyq baqylaý beketteriniń jumysynyń joǵary tıimdiligin atap ótti. Atap aıtqanda, syrtqy ekonomıkalyq qatynastar(SEQ) qatysýshylary ruqsat beretin ósimdikter karantıni salasyndaǵy buzýshylyqtardyń azaıý úrdisi baıqaldy.
Sonymen qatar asa qaýipti jáne karantındik obektilermen zalaldanǵan alańdardy boljaý jáne monıtorıngi salasynda jańa tehnologııalardy (drondar men t.b.) zerdeleýge jáne qoldanýǵa baǵyttalǵan ǵylymmen ózara is-qımyl máseleleri talqylandy.
Sondaı-aq sybaılas jemqorlyqqa qarsy strategııany iske asyrýǵa, sybaılas jemqorlyqqa qarsy zańnamany jetildirýge, fıtosanıtarııalyq baqylaý jáne qadaǵalaý salasyndaǵy sybaılas jemqorlyq táýekelderin anyqtaýǵa jáne joıý suraqtaryna erekshe nazar aýdaryldy.
Keńes qorytyndysy boıynsha Qazaqstan aýmaǵynyń fıtosanıtarlyq jaǵdaıyn jaqsartýǵa baǵyttalǵan birqatar tapsyrmalar berildi. О́simdik sharýashylyǵy óniminiń eksporttyq áleýetin arttyrý maqsatynda karantınge jatqyzylǵan ónimniń eksporty kezinde baqylaýdy kúsheıtý jáne ımporttaýshy elderdiń fıtosanıtarııalyq talaptaryn saqtaý boıynsha mindetter qoıyldy.
