Parlament • 05 Aqpan, 2020

Parlament Senaty janyndaǵy Jastar keńesiniń alǵashqy otyrysy ótti

29 retkórsetildi

Darıǵa Nazarbaevanyń tóraǵalyq etýimen Parlament Senaty janyndaǵy Jastar keńesiniń alǵashqy otyrysy boldy. Bul týraly Parlament Senatynyń baspasóz qyzmeti habarlady.

Sharaǵa Parlament Senatynyń depýtattary, aqparat jáne qoǵamdyq damý, bilim jáne ǵylym, eńbek jáne áleýmettik qorǵaý mınıstrlikteriniń basshylary, máslıhat depýtattary, respýblıkalyq jastar uıymdary men úkimettik emes uıymdardyńókilderi qatysty.

Senat Tóraǵasy quttyqtaý sózinde jastar men jastar saıasaty bizdiń memleketimizdiń árdaıym basty nazarynda ekenin atap ótti. «Jas urpaq - eldiń progresi men damýynyń negizgi qozǵaýshy kúshi ekenin bárimiz jaqsy túsinemiz. Bul degenimiz, jastarǵa jaqsy bilim alýǵa, zamanaýı kásibı daıarlyqtan ótýge, ózin-ózi damytýǵa, Otanymyzdyń ıgiligi úshin jumys isteýge barlyq múmkindikter berilýi kerek», - dedi Senat Tóraǵasy sharaǵa qatysýshylarǵa arnaǵan sózinde.

Senat basshysynyń aıtýynsha, Jastar keńesi konsýltatıvtik-keńesshi organy bolyp tabylady jáne jastar saıasaty salasyndaǵy zańnamany jetildirý máselelerin qarastyratyn bolady. «Memleket bóletin qarajat kólemi men ony jumsaıtyn baǵdarlamalar da belgili. Biraq, sonymen birge biz eldegi kóptegen jastarǵa qatysty máseleler sheshilmeı, tek jyldan jylǵa problema kóbeıip bara jatqanyn kórip otyrmyz», - dedi Darıǵa Nazarbaeva.

Darıǵa Nazarbaeva aýyldyq jerlerden qalalarǵa kelgen jastardyń áleýmettik beıimdelý máselesi, jumyssyzdyq problemasy ótkir másele kúıinde qalyp otyrǵanyn da atap ótti. «Bizdiń keńestiń mindeti - turaqty jumys alańyna aınalý, onda qoǵamdastyqtyń, atqarýshy bılik pen zań shyǵarý organdarynyń, oblystyq máslıhat depýtattarynyń qatysýymen máseleler talqylanady», - dedi Senat Tóraǵasy.

Otyrys barysynda Keńestiń 2020 jylǵy jumysynyń negizgi baǵyttary belgilendi. Keńes tóraǵasynyń orynbasary, Senattyń Áleýmettik-mádenı damý jáne ǵylym komıtetiniń tóraǵasy Murat Baqtııaruly Keńes quramyn tórt topqa bólip, olardyń jumysyn uıymdastyrýdy usyndy.

Ulttyq eriktiler jelisiniń atqarýshy dırektory Tatıana Mıronıýk óz sózinde Qazaqstan Respýblıkasyn 2019-2021 jyldarǵa arnalǵan eriktiler qyzmetin damytý jónindegi jol kartasyna egjeı-tegjeıli toqtalyp, qoldanystaǵy zańnamany jetildirý jóninde birqatar usynystaraıtty.

Balalar men jasóspirimderdiń «Jas Ulan»biryńǵaı uıymynyń tóraǵasy Dınara Sádýaqasova 14 jasqa deıingi balalardy eńbekke tárbıeleýdi zańnamalyq deńgeıde kótermeleýdi, sondaı-aq balalardyń problemalaryn jan-jaqty qarastyrý úshin Jastar jyly men eriktiler sharalary úlgisinde «Balalar jylyn» ótkizý múmkindigin qarastyrýdy usyndy. Joǵarǵy Palata basshysy bul bastamalarǵa qoldaý bildirdi.

Otyrysqa aqparat jáne qoǵamdyq damý mınıstri D.Abaev, bilim jáne ǵylym mınıstri A.Aımaǵambetov, eńbek jáne halyqty áleýmettik qorǵaý mınıstri B.Nurymbetov qatysyp, Keńes músheleriniń suraqtaryna jaýap berdi.

Darıǵa Nazarbaeva otyrysty aıaqtaı kelip, jastar arasynda ajyrasýdyń aldyn alý taqyrybyn kóterdi jáne Keńestiń jumys josparyna osy másele boıynsha usynystar ázirleýdi engizý qajettigin atap ótti.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar